Fréttir

Forsetaákallið TÖLUM SAMAN fór fram í FSu laugardaginn 10. október síðastliðinn í verknáms húsnæði Hamars og hófst klukkan 10 um morguninn þar sem tímaplan var rætt og tæknimálum komið í lag. Húsið og dagskráin opnaði síðan fyrir almenning klukkan 13.30 og beint streymi hófst frá skipuleggjendum. Samtalið sjálft hófst svo hálftíma síðar með því að forseti Íslands Halla Tómasdóttir ávarpaði samkomuna um allt land.

Formleg afhending vinnufatnaðar nemenda á fyrstu önn húsasmíðabrautar fór fram á haustdögum með kökum og góðu spjalli. En í námsskrá verklegra áfanga kemur skýrt fram að nemendur njóta ekki kennslu í verklegum fögum nema þeir séu í öryggisskóm og hlífðarfatnaði og beri öryggisgleraugu og heyrnahlífar.

Í lok september heimsóttu vélvirkjanemar á þriðja kennsluári við FSu ásamt kennurum sínum fyrirtækið Kælitækni sem er leiðandi í orkusparandi og umhverfisvænum lausnum í að kæla og frysta vörur í verslunum og vörugeymslum.

Góðgerðavika NFSu er orðin að árlegum viðburði í skólastarfi FSu. Þá safna nemendur fjármunum til styrktar völdu þjóðþrifamáli í gegnum söfnunarreikninginn 0189-26-006604 með kennitölunni 660490-2569. Að þessu sinni var athyglinni beint að BÖRNUM með krabbamein.

Heimsókn tæplega þrjátíu skólabarna frá leikskólanum Hulduheimum í hádegishléi vakti sérstaka athygli og gleði starfsmanna FSu. Tengdist hún óbeint væntanlegri fjölmenningarhátíð sem haldin er í húsnæði Fjölbrautaskólans laugardaginn 10. október og hefst klukkan 14.00.

Opnað hefur verið fyrir val á áföngum fyrir vorönn 2027. Allir nemendur verða að velja áfanga og staðfesta val dagana 8.-14. október.

Áfangamessa er orðinn fastur liður í starfsemi FSu. Þá setja kennarar skólans kynningarborð á sal skólans og nemendur hnusa af fjölbreyttu námsframboði. Á þessari önn varð sá dagur miðvikudaginn 7. október. Valdagur fylgir svo í kjölfarið viku síðar þegar nemendur velja áfanga fyrir komandi vorönn.

Myndlistarnemar við Fjölbrautaskóla Suðurlands hafa sett upp fjölbreytta sýningu í Sundhöll Selfoss. Sú ber yfirskriftina Með blýant að vopni. Í áfanganum, sem er framhaldsáfangi í teikningu, er eingöngu unnið með blýant eins og nafn sýningarinnar ber með sér. Þar hljóta nemendur þjálfun í alls konar fríhendis blýantsteikningum, skyggingum náttúru, hluta, manna og dýra og reyna að ná raunsæjum og súrrealískum áhrifum. Enn fremur er áhersla á áferðir ýmis konar og meðvitaða myndbyggingu.

Frá og með 5. október verður boðið upp á námsaðstoð í FSu. Námsaðstoðin verður í stofu 310 mánudaga og miðvikudaga frá kl. 10:20 - 11:15.

Í byrjun september mánaðar síðastliðinn gengu þrjátíu og fjórir FSu nemendur og nokkrir kennarar undir stjórn íþróttakennarans og göngugarpsins Ásdísar Bjargar Ingvarsdóttur um hið stórkostlega svæði Landmannalauga.