Fréttir

Þrettánda maí síðastliðinn fór vaskur hópur nemenda af sjúkraliðabraut skólans gangandi og í góðum gír að hitta Guðbjörgu Arnardóttur sóknarprest í Selfosskirkju til að fræðast um sorg og sorgarviðbrögð. En fagleg nálgun og persónuleg nánd er afar mikilvæg á þessu viðkvæma tímabili í lífi hvers einstaklings.

Grænfáninn er verkefni sem hefur það hlutverk að leiða skóla í faglegri og árangursríkri vinnu með sjálfbærni í víðum skilningi. Er það gert í tengslum við áherslur aðalnámskrár og heimsmarkmið Sameinuðu þjóðanna um sjálfbæra þróun.

Fjölmennasta brautskráning í sögu FSu fór fram miðvikudaginn 28. maí og var athöfnin því flutt í íþróttahús skólans IÐU. Helgast það því að nú gat hver KLÁR eða útskrifandi boðið með sér fjórum gestum í stað tveggja áður og mátti heyra á aðstandendum og gestum að þeir væru ánægðir með þá nýbreytni.

Nýr og sérlega skemmtilegur atburður átti sér stað í IÐU íþróttahúsi FSu þriðjudaginn 27. maí þegar sjálfboðaliðar úr starfsliði skólans mætti til undirbúa komandi útskrift daginn eftir. Handagangur var í öskjunni sem þýðir að það var fjör og fjölmenni. Allir lögðust líka á árarnar undir verkstjórn Einars Björnssonar og ýmissa úr starfsliði skólans. Sumir mæltu að í upphafi skyldi endinn skoða á meðan aðrir töldu að kapp væri best með forsjá.

Fullyrða má að sjaldan njóti sólar á Íslandi. Að minnsta kosti þegar samanburður er gerður við önnur lönd og aðrar þjóðir. En þegar hún birtist á bláum himni kunnum við svo sannarlega að meta hana.

Í áfanganum ÍSLSE3YM05 er meðal annars fengist við MUNNMÆLI og þá hefð sem ritmálið sprettur af. Það er eitthvað sem við megum vera stolt af. Íslenskt ritmál verður til eftir 1120 þegar kaþólskir munkar rita á kálfskinn lög og máldaga og í kjölfarið varðveitast ljóð og sögur sem annars hefðu gleymst. Handritin sem við eigum eru ómetanleg verðmæti.

BARNAHEILL eru frjáls félagasamtök sem stofnuð voru árið 1989 með það markmið í huga að vinna að mannréttindum barna. Nú stendur BARNAHEILL fyrir vitundarvakningunni #ÉGLOFA sem er ákall til fullorðinna í samfélaginu um að leggja sitt af mörkum til að útrýma kynferðisofbeldi gegn börnum á Íslandi. Því miður er staðreyndin sú að alltof mörg börn eru beitt kynferðisofbeldi og alltof fá þeirra segja frá ofbeldinu.

Bókvit eða ÍSLE2BV05 er skylduáfangi í íslensku á 2. þrepi til stúdentsprófs. Þar er fengist við bókmenntir miðalda eins og eddukvæði sem er elsti skáldskapur norrænna bókmennta og varðveittur á Íslandi í ómetanlegu handriti sem kallar Codex Regius á latínu en Konungsbók eddukvæða á íslensku. Auk eddukvæða er fyrsti hluti Snorra-Eddu lesin í áfanganum sem er annað ómetanlegt handrit samið og skrifað af Snorra Sturlusyni (1179 – 1241) einum helsta rithöfundi miðalda í Evrópu. Ef Íslendingar ættu ekki þessi verk vissu þeir harla lítið um norræna goðafræði og hinn heiðna sið.

Stjórn Hollvarðasamtaka Fjölbrautaskóla Suðurlands á Selfossi boðar hér með til aðalfundar samtakanna árið 2025. Fundurinn verður haldinn í aðalbyggingu FSu - ODDA (stofu 201) miðvikudaginn 28. maí næstkomandi klukkan 16.00 að lokinni brautskráningu nemenda.

Kór Fjölbrautaskólans hélt útgáfutónleika í Skálholti sunnudaginn 4. maí. Þau fluttu þrjú lög sem kórinn gaf út á streymisveitum sama dag auk annarra laga. Kórinn gaf einnig út þrjú önnur lög sem tekin voru upp árið 2010.