Fréttir

Tveir starfmenn voru heiðraðir við starfslok á brautskráningu vorannar, þeir Arnlaugur Bergsson og Þórarinn Ingólfsson. Formaður Hollvarðasamtakanna og fyrrum skólameistari, Örlygur Karlsson flutti þeim kveðju við brautskráningu.

Ólöf María Stefánsdóttir er dúx FSu á vorönn 2020. 96 nemendur brautskráðust föstudaginn 29. maí, í óhefðbundinni brautskráningu. Vegna samkomutakmarkana var brottfarendum skipt niður í tvo hópa og tvær athafnir fóru fram kl. 13 og kl. 15.

Vegna Covid takmarkana geta aðeins 200 manns mætt á brautskráningu frá FSu og verður því boðið uppá beina útsendingu frá athöfninni. Sjá nánari upplýsingar með því að smella á fréttina.

Óskað er eftir umsóknum í ungmennaráð heimsmarkmiða Sameinuðu Þjóðanna frá ungmennum á aldrinum 13 til 18 ára frá öllum landshlutum. Valdir verða tíu nýir fulltrúar í ráðið sem munu fræðast og fjalla um heimsmarkmið Sameinuðu þjóðanna frá og með september 2020 og út vorönn 2021. Tveir fulltrúar frá fyrra starfsári munu halda sæti sínu í ráðinu. Ungmennaráðið mun funda sex sinnum á höfuðborgarsvæðinu og þess á milli í gegnum fjarfundabúnað. Þá mun ungmennaráðið jafnframt funda einu sinni með ríkisstjórninni. Umsóknarfrestur er til og með 24. maí 2020. Fyrir nánari upplýsingar vinsamlegast hafið samband í gegnum ungmennarad@for.is.

Sigursveinn Sigurðsson hefur verið ráðinn í stöðu aðstoðarskólameistara FSu. Sigursveinn tekur við af Þórarni Ingólfssyni sem starfað hefur í skólanum frá upphafi eða í 39 ár, en hann lætur af störfum á vordögum.