Viðbrögð við áföllum
Viðbrögð FSu við áföllum
Í meðfylgjandi áætlun er að finna verklagsreglur um viðbragð vegna áfalla. Til viðbótar við áætlunina er stuðst við innra verklag sem aðgengilegt er áfallaráði. Í áfallaráði sitja skólameistari, aðstoðarskólameistari, náms- og starfsráðgjafi, félagsráðgjafi, sviðsstjóri, skrifstofustjóri og umsjónarmaður fasteigna. Hér má sjá hverjir gegna þessum hlutverkum hverju sinni.
Áfall er atburður eða reynsla sem getur haft veruleg áhrif á líðan og daglegt líf einstaklings. Það getur meðal annars verið slys, alvarleg veikindi, missir, eða önnur þungbær reynsla. Viðbrögð við áföllum eru einstaklingsbundin og stuðningur þarf að taka mið af aðstæðum og þörfum hvers og eins. Framangreind skilgreining byggir á orðabók menningarsjóðs.
Markmið skólans
- Að bregðast við áföllum af öryggi, nærgætni og fagmennsku.
- Að tryggja nemendum og starfsfólki viðeigandi stuðning.
- Að stuðla að skýru verklagi, góðu samstarfi og samráði við aðstandendur.
Fyrstu viðbrögð
- Upplýsingar um slys/andlát eru staðfestar.
- Áfallaráð er kallað saman og ákveður fyrstu aðgerðir og verkaskiptingu.
- Skólameistari er í samráði við aðstandendur um næstu skref.
- Starfsfólk er upplýst, ef við á, af skólameistara/staðgengli.
- Nemendur eru upplýstir, ef við á, eins fljótt og unnt er og fá rými til að ræða líðan sína.
Viðbrögð næstu daga
- Nemendum er gefinn kostur á að vinna með tilfinningar sínar og fá einstaklings- eða hópviðtöl. Gefa skal gaum að áfallastreitu meðal nemenda og starfsmanna skólans og veita leiðbeiningar um sérhæfðari þjónustu utan skólans ef þurfa þykir.
- Áfallaráð leggur mat á þörf fyrir frekari stuðning og virkjar viðeigandi samstarfsaðila utan skólans þegar aðstæður kalla á sérhæfða aðkomu t.d. frá presti, áfallateymi við heilsugæslu eða öðrum sérhæfðum fagaðilum eftir eðli máls.
- Áfallaráð veitir jafnframt upplýsingar um stuðning innan skólans.
- Ávallt skal hafa lög um samþættingu þjónustu í þágu farsældar barna til hliðsjónar þegar um nemendur undir 18 ára aldri. Metin skal þörf fyrir samþætta þjónustu og nemanda og fjölskyldu veittar leiðbeiningar um viðeigandi stuðning og úrræði eftir þörfum.
Samskipti við fjölmiðla
Samskipti við lögreglu og fjölmiðla eru í höndum skólameistara eða staðgengils.
Nánari upplýsingar
Ef áfall kemur upp skal áfallaráð fylgja áfallaverkferli skólans og styðjast við ítarlegri leiðbeiningar sem aðgengilegar eru í handbók starfsfólks.