Jafnlaunastefna FSu

Jafnlaunastefna Fjölbrautaskóla Suðurlands

Jafnlaunastefna þessi tekur til Fjölbrautaskóla Suðurlands (framhaldsskóla með bóklegt og verklegt nám á Suðurlandi) og kveður á um markmið og aðgerðir til að tryggja starfsfólki hans þau réttindi sem kveðið er á um í 19. grein jafnréttislaga nr. 10/2008.

Markmið skólans er að allt starfsfólk njóti jafnra launa og sömu kjara fyrir sömu eða jafnverðmæt störf þannig að enginn ómálefnalegur launamunur sé til staðar.

Hver einstaklingur er metinn að verðleikum eftir hæfni og frammistöðu, óháð kyni þannig að hæfileikar og færni fái notið sín. Starfsfólk skal hafa jöfn tækifæri til að axla ábyrgð og sinna verkefnum í samræmi við menntun og sérfræðiþekkingu . 

Skólameistari ber ábyrgð á jafnlaunakerfi FSu. Hann ber einnig ábyrgð á jafnlaunastefnu skólans  og að þeim lagalegu kröfum sem tengjast jafnlaunakerfinu og því sé framfylgt.  Yfirstjórn er ábyrg fyrir innleiðingu og viðhaldi þess í samræmi við jafnlaunastaðalinn; ÍST 85.

Markmið Fjölbrautaskóla Suðurlands er að vera eftirsóttur vinnustaður í Árborg.

Til þess að ná markmiðum jafnlaunastefnunnar skal FSu:

  • Innleiða vottað jafnlaunakerfi sem byggist á jafnlaunastaðli nr. ÍST 85, það skjalfest og því viðhaldið.
  • Framkvæma launagreiningu a.m.k. einu sinni á ári þar sem borin eru saman jafnverðmæt störf og athugað hvort munur mælist á launum eftir kyni og í framhaldinu kynna helstu niðurstöður fyrir starfsfólki.
  • Bregðast við óútskýrðum launamun með umbótum.
  • Gera innri úttekt og halda rýni stjórnenda árlega. 
  • Fylgja viðeigandi lögum, reglum og kjarasamningum sem í gildi eru á hverjum tíma og staðfesta á fundi hlítni við lög.
  • Stefnan skal kynnt árlega og vera aðgengileg almenningi á vef skólans. 

Jafnlaunastefnan er órjúfanlegur hluti af launastefnu Fjölbrautaskóla Suðurlands.