Endurmenntun græna geirans - Garðyrkjuskólinn

Námskeið vorönn 2026

Trjáfellingar og grisjun með keðjusög – Garðyrkjuskólinn Hveragerði 16.-18. febrúar

Námskeiðið er öllum opið. Það hentar bæði byrjendum og þeim sem hafa notað keðjusagir en vilja bæta fellingartækni sína eða öðlast meiri þekkingu á meðferð og umhirðu saga. Hámarksfjöldi þátttakenda er 10.

Námskeiðið er bæði bóklegt og verklegt. Fyrsti dagur er bóklegur þar sem meðal annars er farið yfir fellingartækni, öryggisatriði við fellingu trjáa og líkamsbeitingu. Farið verður yfir leyfi og öryggissjónarmið varðandi fellingu trjáa í þéttbýli. Einnig verður fjallað um val á trjám til fellinga og komið inn á grisjun skóglenda, trjáþyrpinga og garða. Á öðrum degi fá nemendur að kynnast innviðum keðjusagarinnar með því að taka þær í sundur. Farið verður yfir það hvernig framkvæma eigi einfalda bilanaleit í söginni, ásamt hefðbundnu viðhaldi, þrif sagar og brýningu keðju. Loks verður einn og hálfur verklegur dagur í trjáfellingum og grisjun í skógi, þar sem lögð verður áhersla á rétta fellingartækni og uppröðun viðarins.

Þeir nemendur sem eiga keðjusög, keðjusagarbuxur, keðjusagarstígvél eða hjálm taki það með á námskeiðið. Aðrir geta fengið búnað lánaðan á námskeiðinu.

Kennari: Björgvin Örn Eggertsson skógfræðingur hjá Garðyrkjuskólanum - FSu (Fjölbrautaskóla Suðurlands).

Tími: mán. 16. feb. kl. 9:00-17:30, þri. 17. feb. kl. 9:00-17:30 og mið. 18. feb. 9:00-16:00 (3x) hjá Garðyrkjuskólanum á Reykjum (28 kennslustundir). Námskeiðið er á framhaldsskólastigi og má meta til 1 einingar af námi í garðyrkjufræðum.

Skráning: Í netfangið gardyrkjuskolinn@fsu.is

Verð: 84.900 kr. (kennsla, hádegismatur og gögn innifalin í verði).

Skráningarfrestur er til 11. febrúar.

Trjá- og runnaklippingar – fagfólk - endurmenntun - Garðyrkjuskólinn Hveragerði 17.-18. febrúar

Haldið í samstarfi við IÐUNA fræðslusetur

Námskeiðið er endurmenntunarnámskeið ætlað öllum garðyrkjufræðingum sem vilja bæta þekkingu sína og rifja upp og læra nýjar klippingar.

Námskeiðið er bæði bóklegt og verklegt. Á námskeiðinu verður fjallað um aðferðir við trjá- og runnaklippingar, bæði nýjar og gamlar. Einnig verður fjallað um lífsstarfsemi trjáa og muninn á heilbrigði þeirra í náttúrulegu umhverfi og borgarumhverfi. Hvernig bregst gróður við áreiti svo sem klippingum og hvernig er hægt að lágmarka skaða þegar tré eru snyrt. Fjallað verður um trjáklippingar og hvernig meta skal ástand trjágróðurs. Hvernig á að meta ástand trjáa áður en þau eru klippt svo hægt sé að gera sér grein fyrir því hvaða inngrip hentar hverju þeirra. Hvenær á að klippa og hvenær ekki. Einnig verður farið yfir hvaða klippingu mismunandi tegundir þurfa s.s. eðalrósir, klifurplöntur, skriðular plöntur ofl. Verklegar æfingar í mati á trjám og klippingum, auk þess sem farið verður lauslega í nauðsynlegt viðhald verkfæra.

Nemendur taki með sér verkfæri og vinnufatnað í samræmi við veður í verklega tíma.

Kennari: Ágústa Erlingsdóttir skrúðgarðyrkjumeistari, fv. brautarstjóri skrúðgarðyrkjubrautar hjá Garðyrkjuskólanum - FSu (Fjölbrautaskóla Suðurlands).

Tími: Þri. 17. feb kl. 09:00 – 16:00 og mið. 18. feb, kl. 09:00-12:00 hjá Garðyrkjuskólanum á Reykjum, Ölfusi.

Verð: 49.000 kr. (Kaffi, hádegismatur og gögn innifalin í verði).

Skráning til 11. febrúar.

Trjáklippingar - Sígrænt Garðyrkjuskólinn Hveragerði 4. mars

Haldið í samstarfi við IÐUNA fræðslusetur

Námskeiðið er endurmenntunarnámskeið ætlað öllum garðyrkjufræðingum sem vilja bæta þekkingu sýna og rifja upp og læra nýjar aðferðir.

Námskeiðið er bæði bóklegt og verklegt. Á námskeiðinu verður fjallað um aðferðir við klippingar sígræns trjágróðurs. Einnig verður fjallað um lífsstarfsemi trjáa og muninn á heilbrigði þeirra í náttúrulegu umhverfi og borgarumhverfi. Hvernig bregst gróður við áreiti svo sem klippingum og hvernig er hægt að lágmarka skaða þegar tré eru snyrt. Fjallað verður um hvernig meta skal ástand trjágróðurs áður en þau eru klippt svo hægt sé að gera sér grein fyrir því hvaða inngrip hentar hverju þeirra. Hvenær á að klippa og hvenær ekki. Farið verður yfir sérstöðu sígræns gróðurs auk þess sem skoðað verður lauslega val á verkfærum og viðhald þeirra.

Nemendur taki með sér verkfæri og útifatnað í samræmi við veður í verklega tíma.

Kennari: Ágústa Erlingsdóttir skrúðgarðyrkjumeistari, fv. brautarstjóri skrúðgarðyrkjubrautar hjá Garðyrkjuskólanum - FSu (Fjölbrautaskóla Suðurlands).

Tími: Mið. 4. mars, kl. 09:00-14:00 hjá Garðyrkjuskólanum, Reykjum Ölfusi.

Verð: 37.000 kr. (Hádegismatur og gögn innifalin í verði).

Skráning: Í netfangið gardyrkjuskolinn@fsu.is

Skráning til 25. febrúar

Sumarblóm, uppröðun og tegundir - Garðyrkjuskólinn Reykjum 12. mars

Á námskeiðinu verður farið yfir helstu strauma og stefnur í hönnun á sumarblómabeðum og hvers konar áhrifum er hægt að ná fram með vel hönnuðum beðum. Fjallað verður um helstu tegundir sumarblóma sem notuð eru á Íslandi, hvaða kröfur þær gera til umhverfis og hvaða tegundir þurfa svipuð skilyrði og geta vaxið saman. Farið verður yfir samplöntur og uppröðun plantna í ker, beð og potta út frá litafræðilegum og fagurfræðilegum sjónarmiðum, sem og tískustraumum hverju sinni.

Kennarar: Guðríður Helgadóttir garðyrkjufræðingur hjá Garðyrkjuskólanum - FSu (Fjölbrautaskóla Suðurlands). Bryndís Eir Þorsteinsdóttir blómahönnuður, Steinunn Garðarsdóttir sérfræðingur í umhverfisskipulagi og plöntunotkun.

Tími: Fim. 12. mars 9:00-15:00 hjá Garðyrkjuskólanum á Reykjum.

Skráning: Í netfangið gardyrkjuskolinn@fsu.is

Skráningarfrestur er til 5. mars

Verð: 36.900 kr. (kennsla, hádegismatur og gögn innifalin í verði).

Áhættumat trjáa - fagfólk - endurmenntun Garðyrkjuskólinn Hveragerði 20. mars

Með hlýnandi veðri og hækkandi trjágróðri í þéttbýli er orðið mikilvægt að geta lagt mat á ástand trjáa og möguleg hættumerki.

Námskeiðið hefst á bóklegri yfirferð þar sem farið verður ítarlega yfir helstu kvilla í trjám, varnarviðbrögð þeirra og heilbrigði. Einnig verður fjallað um hvernig meta má möglega hættu sem stafar af trjám með það fyrir augum að koma í veg fyrir skaða á fólki og/eða eignum. Varnarviðbrögð trjáa verða skoðuð og hvernig þau bregðast við áreiti, skaða og klippingum.

Seinni hluti námskeiðsins er verklegur þar sem tré verða skoðuð með tilliti til áhættumats. Nemendur læra að nota mismunandi matsaðferðir, muninn á ítarlegu áhættumati og sjónrænu mati á ástandi trjáa auk þess að skipuleggja inngrip í takt við niðurstöður matsins.

Þetta dagsnámskeið hentar öllum þeim sem vinna við trjáklippingar, ráðgjöf, framkvæmdir í og við græn svæði og önnur störf tengd umhirðu trjágróðurs. Námskeiðið fer fram á ensku, túlkað eftir þörfum.

Kennari: Aaron Shearer, sérfræðingur hjá Landi og skógi (MArborA MSc)

Tími: Föstudaginn 20. mars 09:00-15:00 hjá Garðyrkjuskólanum á Reykjum, Ölfusi.

Verð: 35.000 kr. (Námsgögn og hádegismatur innifalið í verði).

Skráning: Í netfangið gardyrkjuskolinn@fsu.is

Skráning til 16. mars

Matjurtaræktun í óupphituðum gróðurhúsum - Garðyrkjuskólinn Hveragerði 21. mars 2026

Haldið í samstarfi við IÐUNA fræðslusetur

Námskeiðið er ætlað öllum sem hafa áhuga á ræktun í köldum/óupphituðum gróðurhúsum, hvort sem menn eiga slík húsakynni eða hafa uppi áform um að eignast þau.

Helstu atriði sem farið verður yfir á námskeiðinu:

· Ýmsar gróðurhúsagerðir

· Staðsetning húsanna út frá birtu, skjóli, aðgangi að vatni og rafmagni

· Helstu nýtingarmöguleikar kaldra (óupphitaðra) gróðurhúsa

· Mismunandi frágangur gólfs

· Jarðvegur, jarðvinnsla og áburðargjöf

· Sáning og uppeldi

· Tegundir sem henta til ræktunar, aðferðir við ræktun ólíkra tegunda

· Meindýr, sjúkdómar og varnir

· Þrif og sótthreinsun húsa og áhalda

· Hvernig dreifa má uppskerunni á lengra tímabil og nýta húsin sem best

· Notkunarmöguleikar húsanna yfir veturinn, vetrarfrágangur

Verkleg æfing í sáningu, dreifsetningu og pottun. Nemendur fá plöntur í potti með sér heim.

Kennari: Ingólfur Guðnason garðyrkjufræðingur og kennari í garðyrkjuframleiðslu hjá Garðyrkjuskólanum - FSu (Fjölbrautaskóla Suðurlands).

Tími: Lau. 21. mars, kl. 9:00-15:00 hjá Garðyrkjuskólanum á Reykjum, Ölfusi.

Verð: 38.000 kr. (Kaffi, hádegismatur og pottur með plöntu innifalin í verði).

Skráning: Í netfangið gardyrkjuskolinn@fsu.is

Skráning til 11. mars.

Trjá- og runnaklippingar - Grunnnámskeið fyrir almenning - Garðyrkjuskólinn Hveragerði 21. mars

Haldið í samstarfi við IÐUNA fræðslusetur

Námskeið er fyrir allt áhugafólk um garðyrkju sem vill kynna sér hvernig standa skuli að klippingu trjáa og runna.

Námskeiðið er bæði bóklegt og verklegt. Nemendur kynnast helstu vélum og verkfærum sem notuð eru til trjá- og runnaklippinga. Fjallað verður um trjáklippingar og hvernig meta skal ástand trjágróðurs. Einnig er fjallað um almennar runnaklippingar og limgerðisklippingar. Verklegar æfingar í trjáklippingum.

Nemendur taki með sér þau verkfæri sem þeir eiga og vinnufatnað í samræmi við veður í verklega tíma.

Kennari: Ágústa Erlingsdóttir skrúðgarðyrkjumeistari, fv. brautarstjóri skrúðgarðyrkjubrautar hjá Garðyrkjuskólanum - FSu (Fjölbrautaskóla Suðurlands).

Tími: Lau. 21. mars, kl. 09:00-14:30 hjá Garðyrkjuskólanum, Reykjum Ölfusi.

Verð: 37.000 kr. (Kaffi, hádegismatur og gögn innifalin í verði).

Skráning: Í netfangið gardyrkjuskolinn@fsu.is

Skráning til 11. mars

Fjölgun trjáa og runna – námskeið fyrir áhugasama Garðyrkjuskólinn Hveragerði 21. mars

Á námskeiðinu verður farið yfir helstu aðferðir við fjölgun og uppeldi algengra tegunda trjáa og runna.

Helstu aðferðir: Fræfjölgun, sumar- og vetrargræðlingar, ágræðsla, vefjaræktun.

Fjallað verður um söfnun, gæði og geymslu fræja/græðlinga og hvar plöntuefnivið er helst að finna. Farið verður yfir kulda- og hitameðhöndlun fræja.

Farið verður yfir aðstöðu fyrir fjölgun, s.s. gróðurhús, dúkhús, vermireiti og beð. Fjallað verður um efni og áhöld, þ.e. ílát fyrir sáningu/græðlinga, undirbúning og staðsetningu beða, ræktunarefni (mold, vikur) og helstu verkfæri.

Farið verður yfir tímasetningu fjölgunar, birtustig við spírun og helstu þætti í umönnun sáningar/græðlinga á stigi spírunar og rætingar og uppeldi eftir að rótakerfi hefur myndast, svo sem vökvun, áburðargjöf, lýsingu, daglengdarstýringu og plöntuvernd (t.d. gegn músum, sveppasýkingum, skordýrum, sniglum).

Fjallað verður um algengar tegundir og aðferðir til fjölgunar þeirra:

Fræfjölgun – reynitegundir, birki, elri, greni, fura, lerki, hlynur, gullregn o.fl.

Vetrargræðlingar – t.d. alaskaösp, víðitegundir, toppar, rifs

Sumargræðlingar – t.d. skrautrunnar, sígrænar tegundir.

Námskeiðið er bæði bóklegt og verklegt. Hver nemandi prófar að sá og taka græðlinga af trjátegundum og tekur plönturnar með sér heim.

Kennari: Guðríður Helgadóttir garðyrkjufræðingur hjá Garðyrkjuskólanum - FSu (Fjölbrautaskóla Suðurlands).

Tími: Laugardagur 21. mars 9:00-16:00 hjá Garðyrkjuskólanum á Reykjum.

Skráning: Í netfangið gardyrkjuskolinn@fsu.is

Skráningarfrestur er til 11. mars

Verð: 38.900 kr. (kennsla, hádegismatur og gögn innifalin í verði).

Blómaskreytingar með páskalegu ívafi Garðyrkjuskólinn Reykjum 21. mars

Námskeiðið er einkum ætlað ófaglærðum sem vinna til dæmis í blómaverslunum, hafa það í hyggju eða vilja fegra sitt nærumhverfi.

Fjallað verður helstu tegundir afskorinna blóma og greina sem tengjast páskum. Nemendur fá verklega kennslu við skáskurð, hreinsun stilka og viðeigandi meðhöndlun afskorinna blóma eftir tegundum. Nemendur læra að útbúa einfalda blómvendi, hvernig á að ganga frá þeim og meðhöndlun heima við. Útbúnar verða einfaldar borðskreytingar með páskalegu ívafi.

Rík áhersla er lögð á góða nýtingu á efni sem og nýtingu efnis úr nærumhverfinu. Í lok námskeiðs fara þátttakendur heim með afrakstur dagsins.

Kennari: Bryndís Eir Þorsteinsdóttir, blómahönnuður

Tími: Laugardagur 21. mars, kl. 9:00-16:00 (8 kennslustundir) í Garðyrkjuskólanum á Reykjum í Ölfusi.

Verð: 45.000 kr. (allt efni, námsgögn, kaffi og hádegismatur er innifalið í verði).

Skráning: Í netfangið gardyrkjuskolinn@fsu.is

Skráningarfrestur er til 11. mars

Trjáklippingar - Krónuklipping - fagfólk - endurmenntun Garðyrkjuskólinn, Reykjum, Hveragerði 24. mars

Haldið í samstarfi við Iðuna - fræðslusetur

Námskeiðið er endurmenntunarnámskeið ætlað öllum garðyrkjufræðingum sem vilja bæta þekkingu sína og rifja upp og læra nýjar aðferðir.

Námskeiðið er bæði bóklegt og verklegt. Á námskeiðinu verður fjallað um aðferðir við klippingar á trjákrónum. Einnig verður fjallað um lífsstarfsemi trjáa og muninn á heilbrigði þeirra í náttúrulegu umhverfi og borgarumhverfi. Hvernig bregst tré við áreiti svo sem klippingum og hvernig er hægt að lágmarka skaða þegar trjákróna er snyrt. Hvernig á að meta ástand trjáa áður en þau eru klippt svo hægt sé að gera sér grein fyrir því hvaða inngrip hentar hverju þeirra. Hvenær á að klippa og hvenær ekki. Hvaða vélar og verkfæri henta til krónuklippinga og hvað ber að varast. Verklegar æfingar í mati á trjákrónum, auk þess sem farið verður lauslega í hvaða viðhaldi þarf að sinna verkfærum.

Nemendur taki með sér útifatnað í samræmi við veður í verklega tíma.

Kennari: Ágústa Erlingsdóttir skrúðgarðyrkjumeistari, fv. brautarstjóri skrúðgarðyrkjubrautar hjá Garðyrkjuskólanum - FSu (Fjölbrautaskóla Suðurlands).

Tími: Þri. 24. mars, kl. 09:00-14:30 hjá Garðyrkjuskólanum, Reykjum Ölfusi.

Verð: 37.000 kr. (Hádegismatur og gögn innifalin í verði).

Skráning: Í netfangið gardyrkjuskolinn@fsu.is

Skráning til 17. Mars

Forvarnir gegn gróðureldum Garðyrkjuskólinn Reykjum 8. apríl

Haldið í samstarfi Brunavarna Árnessýslu, Garðyrkjuskólans - FSu, Lands og skóga og Verkís.

Námskeiðið er öllum opið, hentar sérstaklega bændum, skógareigendum, sumarhúsaeigendum og öðrum sem eiga land sem eldur getur brunnið á og ógnað verðmætum.

Á námskeiðinu verður fjallað um hvaða lög og reglugerðir gilda um brunavarnir á skógarsvæðum og í sumarbústaðalöndum. Kynnt verður vefsíðan www.grodureldar.is. Skipulag skóga og ræktaðra svæða með tilliti til brunavarna. Varnarsvæði – hvers konar gróður er á slíkum svæðum. Fjallað verður um mikilvægi vega og slóða á ræktuðum svæðum og gott aðgengi að vatni.

Er trjágróður miseldfimur? Hvað töpum við miklu kolefni ef hann brennur? Er hægt að tryggja tré/skóg? Sagt verður frá þeim búnaði og aðferðum sem nýtast við að ráða niðurlögum gróðurelda. Næsta slökkvilið, hvaða búnað hefur það til umráða? Eru öll slökkvilið eins útbúin? Hver eru fyrstu viðbrögð við gróðureldum, hvað þarf að vera til staðar í sumarhúsinu/á svæðinu? Skiptir máli hvernig gróður er næst mannvirkjum?

Í lok námskeiðs verður komið við í Slökkvistöðinni í Hveragerði og búnaður skoðaður.

Kennarar: Dóra Hjálmarsdóttir Verkís, Hreinn Óskarsson Landi og skógi, Pétur Pétursson Brunavörnum Árnessýslu, Björgvin Örn Eggertsson Garðyrkjuskólanum - FSu.

Tími: Mið. 8. apríl kl. 09:00-12:10 hjá Garðyrkjuskólanum á Reykjum, Ölfusi.

Verð: 15.600 kr. (Kaffi og gögn innifalin í verði).

Skráning: Í netfangið gardyrkjuskolinn@fsu.is

Skráning til 26. mars.

Ræktaðu skjól - námskeið um skjólgróður Garðyrkjuskólinn Reykjum 11. apríl

Ætlað eigendum sumarhúsalóða og sumarbústaða og öðrum áhugasömum skjólræktendum.

Á námskeiðinu er fjallað um skjól og skjóláhrif og hvernig er hægt með áhrifaríkum hætti að skapa skjól með trjágróðri. Fjallað verður um strauma og stefnur í skjólbeltarækt, staðsetningu skjólbelta miðað við ríkjandi vindáttir og skuggavarp og undirbúning fyrir ræktun á skjólgróðri. Farið verður yfir uppbyggingu skjólbelta og skjólþyrpinga, gróðursetningu og viðhald skjólgróðurs, svo sem áburðargjöf, klippingar og plöntuvernd. Fjallað verður um helstu tegundir sem almennt eru notaðar til að skapa skjól á Íslandi, samspil mismunandi tegunda, sem og tegundir sem notaðar eru til að auka fjölbreytni og litbrigði í skjólgróðri.

Kennarar: Hallur Björgvinsson, skógfræðingur Land og skógi og Guðríður Helgadóttir, garðyrkjufræðingur Garðyrkjuskólanum.

Tími: Laugardaginn 11. apríl 2026 kl. 09:00 16:00 hjá Garðyrkjuskólanum á Reykjum, Ölfusi.

Verð: 36.500 kr. (Námsgögn og hádegismatur innifalið í verði).

Skráning: Í netfangið gardyrkjuskolinn@fsu.is

Skráningarfrestur er til 6. apríl

Garðurinn – skipulag og plöntunotkun Garðyrkjuskólinn Reykjum 11. apríl

Ætlað fyrir alla garðeigendur

Á námskeiðinu verður fjallað um helstu atriði varðandi skipulag og plöntuval í garðinum. Farið verður lauslega yfir þróun garða, helstu strauma og stefnur og hvernig taka skuli tillit til aðstæðna og mið af óskum/þörfum eigenda. Farið verður yfir helstu atriði sem er gott að hafa í huga varðandi uppbyggingu garða, helstu plöntuhópa og hlutverk þeirra í garðinum. Inn í þetta fléttast fróðleikur um viðhald og umhirðu garða.

Kennari: Steinunn Garðarsdóttir, sérfræðingur í umhverfisskipulagi og plöntunotkun.

Tími: Laugardaginn 11. apríl 09:00-15:00 hjá Garðyrkjuskólanum á Reykjum, Ölfusi.

Verð: 35.000 kr. (Námsgögn og hádegismatur innifalið í verði).

Skráning: Í netfangið gardyrkjuskolinn@fsu.is

Skráningarfrestur er til 6. apríl