Stúdentsbraut - hestalína

Nemandi sem ætlar á Stúdentsbraut-hestalínu byrjar á Hestaliðabraut og tekur þar kjarnaáfangana samhliða sérgreinum brautarinnar. Eftir fjórðu önnina skiptir hann yfir á stúdentslínuna.

Stúdentsbraut - hestalína er bókleg og verkleg 206 eininga námsbraut með námslok á 3. hæfniþrepi. Ásamt stúdentsprófi útskrifast nemandi sem hestasveinn. Námið veitir góða undirstöðuþekkingu í bóklegum greinum ásamt verklegri þjálfun og bóknámi í greinum tengdum hestamennsku og reiðmennsku. Námið er góður undirbúningur fyrir þátttöku í atvinnulífinu í sérhæfðum störfum innan hestamennsku og fyrir háskólanám í hestafræðum og tengdum greinum s.s. líffræði.

Meðalnámstími er 6-7 annir. Brautin er 206 einingar en þar af eru 104 einingar sem falla undir sérgreinar brautar í hestamennsku.

Röðun í byrjunaráfanga í dönsku, ensku, íslensku og stærðfræði tekur mið af hæfnieinkunn úr grunnskóla og til að hefja nám á öðru hæfniþrepi þarf einkunn B eða hærra. Nánari leiðbeiningar um inntökuskilyrði og röðun í kjarnaáfanga.

*Missi nemendur af félagsfræði og umhverfisfræði á fyrsta þrepi taka þeir aðra áfanga í félags- og náttúrufræðigreinum í staðinn.

Starfsnám: Til að útskrifast af hestabraut þurfa allir nemendur að taka starfsnám á viðurkenndum verknámsstað. Nemendur taka 2 starfsnámslotur og fara þær fram að sumri að loknum undirbúningsáfanga. Sú fyrri að lokinni annarri önn og sú seinni að lokinni fjórðu önn.

Bæði í fyrra og seinna starfsnáminu fer fram kynning og verkleg þjálfun á ýmsum störfum í hestamennsku. Meginviðfangsefni er að nemandinn fái að aðstoða við og framkvæma helstu verk sem unnin eru varðandi hrossahald starfsnámsstaðarins og auki þar með þekkingu sína, verkfærni og sjálfstæði í vinnubrögðum. Einnig fá nemendur innsýn í stjórn og rekstur tamningastöðvar/hrossabús/hestatengdar ferðaþjónustu svo og þjálfun í mannlegum samskiptum. Í seinna starfsnáminu er gerð krafa um að nemendur fái að aðstoða fagaðila við markvissa þjálfun hrossa.

Sjá nánari upplýsingar á facebook síðu brautarinnar:  facebook.com/hestabraut.fsu

Eldri brautarlýsing

Lýsing:

Hestabraut er bókleg og verkleg námsbraut sem lýkur með stúdentsprófi og skilar nemendum með hæfni á 3. þrepi. Námið felur í sér verklega þjálfun og bóknám í greinum tengdum hestamennsku og reiðmennsku. Einnig fær nemandi góða undirstöðu í kjarnagreinum. Brautin er góður undirbúningur fyrir þátttöku í atvinnulífinu. Við námslok er nemandinn vel undirbúinn fyrir sérhæfð störf innan hestamennskunnar og háskólanám m.a. í hestafræðum. Hestabraut með námslok á 3. þrepi er 200 feiningar og er meðanámstími 6-7 annir.

Grunnupplýsingar:

Inntökuskilyrði: Grunnskólapróf. Til að hefja nám á öðru hæfniþrepi í dönsku, ensku, íslensku eða stærðfræði þarf nemandi að hafa náð hæfnieinkunn B við lok grunnskóla eða að hafa lokið fyrsta þreps áfanga í þessum greinum.  Einnig er gerð krafa um að  nemandinn sé í viðunandi líkamlegu formi og geti stigið á og af hestbaki.

Skipulag:

Kjarni: 86 ein. (sjá kjarna: Stúdentsbraut-starfsnám)

Námsmat: Námsmat er fjölbreytt og felst meðal annars í ritgerðum, verkefnum, prófum (verklegum og bóklegum), jafningjamati og sjálfsmati. Almennt námsmat byggir á einkunnagjöf á bilinu 1-10. Námsmat getur farið fram með mismunandi hætti eftir ákvörðun kennara. Matið er ýmist samsett úr símati og lokaprófi eða eingöngu símati. Nánari tilhögun námsmats er í höndum kennara hverrar faggreinar. Í upphafi hvers skólaárs skal nemendum kynnt kennsluáætlun og námsmarkmið svo og tilhögun námsmats hvers áfanga.

Starfsnám: Til að útskrifast af hestabraut þurfa allir nemendur að taka starfsnám á viðurkenndum verknámsstað. Nemendur taka 2 starfsnámslotur og fara þær fram að sumri að loknum undirbúningsáfanga. Sú fyrri að lokinni annarri önn og sú seinni að lokinni fjórðu önn.

Bæði í fyrra og seinna starfsnáminu fer fram kynning og verkleg þjálfun á ýmsum störfum í hestamennsku. Meginviðfangsefni er að nemandinn fái að aðstoða við og framkvæma helstu verk sem unnin eru varðandi hrossahald starfsnámsstaðarins og auki þar með þekkingu sína, verkfærni og sjálfstæði í vinnubrögðum. Einnig fá nemendur innsýn í stjórn og rekstur tamningastöðvar/hrossabús/hestatengdar ferðaþjónustu svo og þjálfun í mannlegum samskiptum. Í seinna starfsnáminu er gerð krafa um að nemendur fái að aðstoða fagaðila við markvissa þjálfun hrossa.

Sjá nánari upplýsingar á facebook síðu brautarinnar:  facebook.com/hestabraut.fsu