Skólameistari

Skólameistari hefur yfirumsjón með starfsemi skólans, húsum hans og rekstri öllum. Hann ber ábyrgð á að öll starfsemi hans sé í samræmi við lög, reglugerðir og aðalnámskrá og önnur gildandi fyrirmæli á hverjum tíma. Hann ber ábyrgð á að fylgt sé fjárhagsáætlun skólans og hefur frumkvæði að viðhaldi skólanámskrár og umbótastarfi innan skólans.
Skólameistari er ráðinn til 5 ára og ber ábyrgð á starfsemi skólans, innritun nemenda, menntunar- og uppeldishlutverki skólans, þróunarstarfi innan hans, eigum, fjárreiðum og öllum rekstri. Hann hefur yfirumsjón með allri áætlanagerð og sér um að lögum, reglugerðum og námskrá sé framfylgt. Skólameistari sér um tengsl skólans við aðstandendur nemenda, yfirvöld og aðila í atvinnulífi. 

Aðstoðarskólameistari

Aðstoðarskólameistari er ráðinn til fimm ára í senn og er staðgengill skólameistara og vinnur með honum við daglega stjórn skólans og rekstur. Meðal sérverkefna má nefna almennt starfsmannahald, launamál, faglega aðstoð við sviðsstjóra svo sem eftirlit með gerð og framkvæmd kennsluáætlana. Einnig hefur hann umsjón með gerð kennsluskiptingar og brautskráningu nemenda. Aðstoðarskólameistari er umsjónarmaður kvöldskóla. 

Áfangastjóri

Áfangastjóri hefur umsjón með rekstri áfangakerfis skólans. Hann sér um námsferilsskráningu, fjarvistarskráningu og stundatöflugerð og hefur yfirumsjón með námsvali nemenda í samráði við náms-og starfsráðgjafa og umsjónarkennara.

Sviðsstjóri sérnámsbrautar

• Yfirumsjón með öllu sem viðkemur sérnámsbraut.
• Stýrir innra skipulagi brautarinnar svo sem kennsluskiptingu, áfangaframboði og stundatöflugerð í samvinnu við áfangastjóra.
• Faglegur leiðtogi og stýrir samstarfi kennara á sérnámsbraut.
• Skipuleggur störf stuðningsfulltrúa og þroskaþjálfa á brautinni.
• Hefur umsjón með innritun nýnema á sérnámsbraut.
• Varðveitir á öruggan hátt öll greiningargögn um nemendur sérnámsbrautar.
• Yfirfer og staðfestir kennsluáætlanir á sérnámsbraut. Situr teymisfundi með foreldrum, umsjónarkennurum, fulltrúum félagsþjónustu, fulltrúum greiningastöðva, sálfræðingum, sjúkraþjálfurum og öðrum meðferðaraðilum nemenda.
• Stýrir fagkennarafundum og miðlar upplýsingum af teymisfundum um úrræði varðandi einstaka nemendur á sérnámsbraut.
• Er skólameistara til ráðgjafar um starfsmannamál og tekur starfsmannaviðtöl við stuðningsfulltrúa og þroskaþjálfa.
• Leiðbeinir nýjum kennurum með fagleg efni í sinni kennslugrein.
• Náið samráð við nemendaráðgjöf skólans um nemendur sérnámsbrautar.
• Náið samstarf við foreldra nemenda sérnámsbrautar eftir því þörf krefur.
• Er í góðu samstarfi við hagaðila, svo sem aðra framhaldsskóla, grunnskóla, félagsþjónustu, ráðuneyti, MMS og fleiri.
• Tryggir að aðgengi fatlaðra í stofnuninni sé með sem bestum hætti í samvinnu við húsverði og stjórnendur.
• Vinnur ársskýrslu í lok skólaárs.
• Fulltrúi stjórnenda í skólaþróunarteymi.
• Önnur tilfallandi störf að beiðni skólameistara

Sviðstjórar námsgreina

sviðstjórar námsgreina eru tveir:

Sviðsstjórar vinna í nánu samstarfi við yfirstjórn annars vegar og kennslustjóra og fagstjóra hins vegar.
Þeir:
- Vinna saman að úrlausn verkefna.
- Sitja vikulega fundi með yfirstjórn skólans. 
- Sjá um ritun fundargerðar og vistun í GoPro skjalakerfi.
- Skipuleggja í mesta lagi þrjá fundi á önn með fagstjórum þar sem farið er yfir ýmis mál sem eru í gangi.
- Aðstoða kennara með kennsluumhverfi Innu.
- Skipuleggja fagfundi í samstarfi við fagstjóra.
- Aðstoða fagstjóra varðandi málefni deilda eftir þörfum.
- Taka við fundargerðum deilda og vista í GoPro.
- Aðstoða fagstjóra (einkum stærri deilda) við að halda utan um verkefni á prófatíma.
- Aðstoða fagstjóra við keppni í viðkomandi greinum (t.d. stærðfræðikeppnin).
- Vinna að yfirlestri og uppfærslu heimasíðu skólans, og vinna að úrbótum í samvinnu við vefstjóra.
- Vinna að endurskoðun og viðhaldi skólanámskrár, í samvinnu við yfirstjórn og kennara.
- Vinna í samráði við námsráðgjafa og fagstjóra að úrræðum fyrir "spólara" í kerfinu.
- Hafa umsjón með innheimtu námsáætlana og koma þeim út á vef skólans.
- Hafa umsjón með innheimtu lokaprófa og að kennarar visti lokapróf sinna áfanga á H-drif/Innu að loknu námsmati.
- Hafa umsjón með gerð ársskýrslu skólans í lok skólaárs.
- Safna saman og greina tölulegar upplýsingar um skólastarfið frá ári til árs, vinna að úrbótaferli og viðhaldi þess í samvinnu við stjórnendur.
- Sitja í sjálfsmatsteymi skólans ásamt aðstoðarskólameistara. Sjá um ritun fundargerða og vistun í GoPro skjalakerfi.
- Annast leiðréttingar á vali nemenda ásamt áfangastjóra.
- Veita nemendum verðlaun/viðurkenningu við brautskráningu.
- Bera ábyrgð á skipulagningu og framkvæmd lokaprófa/prófstjórn.
- Tengiliðir við Advania vegna Innu, milliganga um ýmis mál vegna fyrirspurna kennara.
- Uppfæra námsgagnalista hverrar annar í Innu og koma þeim til bókaverslana á svæðinu.
- Utanumhald nýnemadags í upphafi haustannar í samvinnu við fagstjóra í Braga.
- Tengja saman eldri nemendur og umsjónarkennara með tilliti til stundartöflu og brautar nemandans.
- Áfangamessa, skipulag og utanumhald hvort sem er á rafrænu eða hefðbundnu formi.
- Umsjón með fjarnámi grunnskólanemenda, skráning í Innu og utanumhald.
- Skipulag og framkvæmd samráðsfunda með grunnskólum svæðisins.
- Annast umsjón með veffréttum á heimasíðu.
- Bera ábyrgð á skipulagningu og framkvæmd lokaprófa/prófstjórn.

Brautarstjórar

 Fagstjórar

-Vinnur í nánu samstarfi við sviðsstjóra, kennara og yfirstjórn.
- Vinnur með kennurum að gerð námsáætlana í kennslugreinum og sér til þess að í upphafi annar séu þær til staðar í möppu á innra neti skólans.
- Hefur yfirsýn yfir kennslu í námsgreinunum viðkomandi deildar.
- Vinnur að hagsmuna- og framfaramálum námsgreinanna í samráði við kennara deildar.
- Aðstoðar kennara við framkvæmd lokaprófa í samvinnu við prófstjóra
- Stuðlar að góðu verklagi og aðstoðar kennara við samræmingu námsmats í sömu áföngum.
- Er aðstoðarskólameistara og sviðsstjórum til ráðgjafar varðandi kvartanir nemenda um námsmat.
- Er stjórnendum til samráðs um áherslur í skólastarfinu á hverjum tíma varðandi kennsluaðferðir, kennsluskiptingu, áfanga í boði, nýtt námsefni, kennslubúnað og annað sambærilegt.
- Hefur umsjón með handleiðslu nýrra kennara í viðkomandi kennslugreinum ásamt samkennurum.
- Hefur umsjón með því að val á námsefni liggi fyrir og upplýsingar berist sviðsstjórum á tilsettum tíma
- Veitir stjórnendum upplýsingar um nám og kennslu í viðkomandi kennslugreinum og aðstoðar við keppni í viðkomandi námsgreinum í samvinnu við sviðsstjóra.
- Mætir á boðaða fagstjórafundi með sviðstjórum allt að 3x á önn.
- Skipuleggur fagfundi í samvinnu við sviðsstjóra, stjórnendur.
- Skrifar skýrslu í lok skólaárs í samvinnu við kennara.

Kennslustjóri á Litla Hrauni

Kennslustjóri hefur umsjón með skipulagningu og kennslu á ákveðnum starfsviðum skólans. Kennslustjóri á Litla-Hrauni er Gylfi Þorkelsson.

Kennarar

Kennarar kenna og meta nám í kennslugrein sinni, þeir fylgjast með í greininni, stuðla að þróun hennar og huga að tengslum við aðrar greinar, taka þátt í samstarfi um starf og stefnu skólans og starfa með öðrum kennurum skólans að sameiginlegum viðfangsefnum. Allir fastir kennarar hafa viðtalstíma fyrir nemendur og eru þeir auglýstir sérstaklega.
Sjá viðtalstíma kennara

Umsjónarkennarar

 Umsjónarkennarar eru tengiliðir nemenda við kennara og stjórnendur skólans. Þeir fylgjast með námi og ástundun umsjónarnemenda sinna og liðsinna þeim í námsvali og við gerð námsáætlana.
Sjá viðtalstíma kennara

Félagslífs- og forvarnarfulltrúar

 Hlutverk félagslífsfulltrúa Fjölbrautaskóla Suðurlands er að vera tengiliður milli kennara og nemenda og styðja við heilbrigt og skapandi félagslíf nemenda í skólanum.
Félagslífsfulltrúi:
- sækir vikulega fundi nemendaráðs.
- situr fundi skólaráðs.
- miðlar upplýsingum milli ráðsins og stjórnenda skólans.
- hefur umsjón með ballvöktum kennara.
- er nemendaráði og skemmtinefnd til aðstoðar á kvöldvökum.
- vinnur í forvarnarteymi ásamt forvarnarfulltrúa og námsráðgjafa að mótun og framkvæmd forvarnastefnu.

Markmiðin með starfi félagsmálafulltrúa felast í því að:
- efla félagsþroska og félagslíf nemenda.
- stuðla að heilbrigðum lífsháttum nemenda.
- koma með hugmyndir að skapandi félagsstarfi.
- ýta undir þátttöku sem flestra nemenda í félagslífi.

Náms- og starfsráðgjafar

Við skólann starfa náms- og starfsráðgjafar sem eru nemendum og aðstandendum þeirra til ráðgjafar og stuðnings um allt það er að námi og skólagöngu lýtur, en auk þess geta nemendur leitað til þeirra með önnur persónuleg mál, einkum þau sem hafa áhrif á skólasókn og námsferil. Náms-og starfsráðgjafar meta hvort unnt sé að leysa úr málum innan skólans eða hvort leita þurfi eftir sérhæfðari meðferð til viðeigandi sérfræðinga eða stofnana.
Náms- og starfsráðgjafar eru bundnir þagnarskyldu og því trúnaðarmenn nemenda.
Skólameistari ræður náms-og starfsráðgjafa í samráði við skólanefnd. Náms-og starfsráðgjafi skal hafa lokið námi í náms- og starfsráðgjöf frá háskóla.
Nánari upplýsingar um náms- og starfsráðgjafa FSu. 

Fjármálastjóri

Fjármálastjóri annast fjárreiður skólans, bókhald, greiðslu reikninga og innheimtu.

Forstöðumaður bókasafns

Forstöðumaðu bókasafns hefur umsjón með daglegum rekstri bókasafns skólans, bókakosti, geisladiskum, myndböndum og öðrum safnkosti og lestrarsölum. Hann kennir nemendum og kennurum safnnotkun og starfar með þeim að verkefnum sem krefjast sérstakrar þjónustu bókasafnsins. Með bókasafnsfræðingi starfar Ingveldur Jónsdóttir bókavörður.

Skrifstofustjóri

Hefur yfirumsjón með skrifstofu skólans. Annast öll dagleg skrifstofustörf, þ.m.t. símavörslu, svörun erinda, útgáfu vottorða, námsferilsskráningu, gerð skýrslna, gerð skírteina og innheimtu gjalda í samráði við fjármálastjóra. Þjónustar nemendur, starfsfólk og aðra sem til skrifstofunnar leita. Sér um upplýsingamiðlun innan skólans og utan.

Skólafulltrúi

Skólafulltrúi starfar á skrifstofu skólans og annast öll dagleg skrifstofustörf, símavörslu, útgáfu vottorða, fjarvistaskráninga og gerð skírteina.

Þroskaþjálfar

 Þroskaþjálfar skólans starfa mest með nemendum sem stunda nám sitt á Sérnámsbraut. Þroskaþjálfar vinna einstaklingsmiðað og skipuleggja m.a. námsumhverfi, útbúa vinnukerfi, búa til námsefni, sjá um félagsfærniþjálfun auk þess sem þeir vinna á skipulegan hátt að því að stuðla að jákvæðum viðhorfum, efla færni og auka skilning á fjölbreytileika samfélagsins. 

 Stuðningsfulltrúar

Húsverðir

Kerfis- og tækjastjóri 

Kerfisstjóri sér um tölvunet og tölvur skólans. Hann leiðbeinir kennurum og öðru starfsfólki eftir því sem tími vinnst til. Hann er ráðgjafi skólameistara við kaup á tölvum og þróun á tölvukosti skólans. Tækjastjóri hefur umsjón með sjónvörpum, segulbandstækjum, myndbandstækjum, skjávörpum, myndavélum og kvikmyndavélum skólans. Hann sér til þess að þessir hlutir séu í lagi og kemur þeim í viðgerð þegar þurfa þykir.

Ræstingastjóri 

Mötuneyti