Fréttir

Hefð er fyrir því að halda svokallaðan NÝNEMADAG í FSu haust hvert áður en hefðbundin kennsla hefst. Dagskráin, sem er jafnan þéttskipuð, er miðuð að því að nýir nemendur fái örlítinn smjörþef af skólaumhverfinu sem þeir eru að verða hluti að, bæði hinu rafræna en ekki síður raunheimum. Yfir 280 nýnemar hefja nám við skólann þetta haustið og mætti lungi þeirra til leiks mánudaginn 18. ágúst hvar þeir fóru um í skipulögðum hópum á milli fjölmargra ólíkra kynningarstöðva leiddir áfram af sínum umsjónarkennurum.

Kór Fjölbrautaskóla Suðurlands auglýsir eftir fleiri söngvurum! Reynsluboltar sem reynslulaus eru velkomin á æfingu á þriðjudag 26. ágúst kl. 15:30 í sal skólans.

Um miðjan júní síðastliðinn héldu nemendur í umhverfisnefnd FSu ásamt nokkrum kennurum skólans til Strasbourgar í Frakklandi. Var förinni heitið á Evrópuþing ungmenna eða European Youth Event sem er viðburður sem Evrópuþingið heldur á tveggja ára fresti í Strassborg og dregur að sér þúsundir ungs fólks víða úr Evrópu. Markmiðið er að skapa fjölþjóðlegan vettvang þar sem ungmenni geta hist, deilt hugmyndum og rætt framtíð Evrópu með þingmönnum, sérfræðingum og jafnöldrum sínum.

Rafrænar töflubreytingar á haustönn 2025

Nýnemadagur verður í FSu mánudaginn 18. ágúst. Dagurinn hefst kl. 8:30 með því að skólameistari býður nýnema velkomna í hátíðarsal skólans. Að því loknu er fjölbreytt dagskrá fram yfir hádegi. Nemendur hitta BRAGA-kennara sína, fara milli stöðva til að kynnast skólastarfinu og rúsínan í pylsuendanum er dagskrá sem nemendafélag FSu sér um.

Sumri er tekið að halla og starfsfólk að tínast til baka úr sumarfríi. Undirbúningur haustannar er í fullum gangi. 18. ágúst bjóðum við nýnema velkomna (nýnemadagur). 19. ágúst hefst kennsla haustannar skv. stundaskrá. Nemendur og foreldrar/forráðamenn fá sendar nánari upplýsingar í tölvupósti er nær dregur.