Fréttir

Vélvirkjun er fjölbreytt og skemmtilegt nám sem kennt er við FSu. Sá glæsilegi árangur náðist nú við útskrift á haustönn 2018 að nemandi í vélvirkjun, Almar Óli Atlason, varð dúx skólans. Mun það vera í fyrsta skiptið sem dúx kemur af verknámsbraut. Aðstaðan til kennslu vélvirkjunar hefur tekið stökk fram á við með nýju húsnæði og má segja að FSu sé kominn í fremstu röð verknámskóla hvað tækjakost og verkefnavinnu varðar.

Nemendur í áfanganum TRÉH2HS15 á húsasmíðabraut vinna margskonar fjölbreytt verkefni. Markmið áfangans er m.a. að kenna nemendum grunnatriði trésmíða með áherslu á þekkingu og færni í notkun handverkfæra og rafmagnsverkfæra.

Kynningafundur vegna verkefnisins Háskólahermir verður haldinn í FSu á morgun, miðvikudag kl. 10:25 í stofu 210.

Lið Fjölbrautaskóla Suðurlands er komið áfram í 8-liða úrslit Gettu betur eftir sigur á Menntaskólanum á Ísafirði í annari umferð keppninnar. Lokatölur voru 25-17 en FSu leiddi 15-11 eftir hraðaspurningar.

FSu sigraði Menntaskólann á Egilsstöðum í fyrstu umferð Gettu betur á mánudag, en lokatölur voru 19-16. ME leiddi eftir hraðaspurningar, en FSu náði forskoti fljótlega í bjölluspurningum og hélt því naumlega út keppnina.

Fyrsta viðureign Fjölbrautaskóla Suðurlands í Gettu betur, spurningakeppni framhaldsskólanna, árið 2019 fer fram mánudaginn 7. janúar kl. 20 gegn Menntaskólanum á Egilsstöðum.