Fréttir

Hið einstaka og litríka FLÓAFÁR sem haldið er í FSu á hverju skólaári fór að þessu sinni fram á vorjafndægri 20. mars en þá eru dagur og nótt nánast jafnlöng. Um er ræða blöndu af keppni og hátíð – ekki ósvipað karnívali að Suður-Amerískum sið og íþróttakeppni Þórs og Útgarða-Loka sem lesa má um í Snorra-Eddu. Allur umbúnaður og skipulag var í besta lagi og sköpun enn betri enda mikið lagt í það af starfsfólki skólans og nemendum. Þátttaka var til sóma og mikið líf í kennsluhúsnæðum FSu í Odda og Hamri þennan föstudagsmorgun.

Þriðjudaginn 24. mars er opið hús í FSu kl. 16:30 -18:00. Öll velkomin, sérstaklega 10. bekkingar og forráðamenn þeirra.

FSu keppti á móti FVA í átta liða úrslitum í Gettu betur í gærkvöldi. FSu vann sannfærandi sigur, 27-14.

UPPBROT er nauðsynlegt í faglegu skólastarfi. Þá leggja nemendur og kennarar niður hefðbundin störf og beina athygli sinni og aðferðum í aðrar áttir. KÁTIR DAGAR eru liður í því sem hefjast miðvikudaginn 18. mars og samanstanda af dagskrá sem unnin er að frumkvæði nemenda og með stuðningi kennara.

Á haustönn 2026 verður boðið upp á nám í pípulögnum og rafvirkjun í FSu sem kennt verður á kvöldtíma ef næg þátttaka fæst. Námið er aðallega hugsað fyrir þá einstaklinga sem hafa ekki komist að í dagskóla fram til þessa eða hafa áhuga en hafa ekki getað verið í námi á dagtíma.

Áfangamessa er fastur liður í starfsemi FSu. Þá setja kennarar skólans upp skreytta bása eða kynningarborð á sal skólans og nemendur kynna sér fjölbreytt námsframboð. Á þessari önn varð sá dagur MIÐVIKUDAGURINN 4. MARS. Valdagur fylgir svo í kjölfarið og verður 11. MARS næstkomandi en þá velja nemendur áfanga fyrir komandi haustönn.

Dagana 24. til 28. febrúar síðastliðinn fór Kór Fjölbrautaskóla Suðurlands í söngferð til Ítalíu. Flogið var til Mílanó og þaðan ekið til borgarinnar Ölbu. Tilgangurinn var að hitta ítalska jafnaldra sem voru að setja upp ameríska söngleikinn Chorus Line.

Vikuna 2. - 6. mars er hinsegin vika í FSu. Fögnum fjölbreytileikanum og klæðumst öllum regnbogans litum.

Myndlistarnemar við Fjölbrautaskóla Suðurlands hafa sett upp sýningu í Sundhöll Selfoss sem ber yfirskriftina Möndlað með mannslíkamann en þar er LÍKAMINN helsta viðfangsefnið. Myndlistaráfanginn er á 3. þrepi og aðeins kenndur fjórðu hverja önn. Hann kallast Maður og efni og er einn af framhaldsáföngum myndlistarkennslunnar.