Fréttir

Öryggismálin eru ofarlega á baugi í trédeild FSu og hefur það verið algjör skylda undanfarin ár að klæðast viðeigandi öryggisfatnaði við nám á húsasmíðabraut. Trédeildin á í frábæru samstarfi við fyrirtækin BYKO og HAGA sem gerir öllum nemendur deildarinnar kleift að klæðast vinnufötum að bestu gerð.

Árleg nýnemaferð FSu var farin þriðjudaginn 10. September síðastliðinn. Það var um 250 manna hópur sem lagði leið sína í félagsheimilið Félagslund í Flóahreppi í hvínandi roki og kulda með gleðina að vopni og yl í hjarta. Í nýnemaferðinni er markmiðið að hrista nýja nemendur enn frekar saman með óhefðbundnum skóladegi í fjölbreyttri þrautakeppni sem kennarar og nemendaráð skólans sjá um. Þar reynir sannarlega á fullt litróf mismunandi styrkleika allt frá svokölluðum rúsíníuspýtingi yfir í spurningakeppni að ótöldu öllu þar á milli. Að auki fer fram kosning á fulltrúa nýnema í nemendaráð á einni stöðinni.

Fjölbrautaskóli Suðurlands á fjörutíu og þriggja ára starfsafmæli í dag, föstudaginn 13. september. Í byrjun var skólastarfinu dreift um Selfossbæ og kennsla fór fram í ýmsu húsnæði. Fékk skólinn af því tilefni viðurnefnið Hlaupabrautin. Á tíunda áratug síðustu aldar tókst að koma upp glæsilegri byggingu sem í huga margra gengur undir nafninu Gula húsið.

Við upphaf hvers skólaárs verða alltaf mannaskipti í starfsliði FSu. Einir koma - þá aðrir fara eins og orðtakið segir enda er FSu fjölmennur og lifandi vinnustaður með um það bil eitt þúsund nemendur og starfsmenn.

Nemendur í áfanganum VBFM1VA12, verkleg- og bókleg færniþjálfun undirbjuggu morgunverðarhlaðborð undir vökulu auga Þóris Erlingssonar matreiðslumeistara og kennara.

Tveir fyrrum nemendur FSu hlutu á dögunum styrki úr Afreks- og hvatningasjóði Háskóla Íslands.

Sveinspróf í skrúðgarðyrkju verður haldið 7.- 9. október í Garðyrkjuskólanum að Reykjum. Umsóknarfrestur 20.september 2024. Prófgjald Kr. 68.000. Skráning sendist í tölvupósti til agustae@fsu.is. Umsókn skal fylgja fullt nafn, kennitala og heimilisfang.

Veðrið lék við alla er starfsfólk Reykja tók á móti nýjum nemendum Garðyrkjuskólans í gær.

Hefð er fyrir því að halda svokallaðan nýnemdag haust hvert áður en hefðbundin kennsla hefst. Mánudaginn 19. ágúst mættu um 280 nýnemar til leiks í FSu og hafa aldrei verið fleiri. Dagskrá nýnemadagsins var þéttskipuð að venju en nemendur fóru á milli fjölmargra kynningarstöðva í sínum umsjónarhópum. Markmið þessara kynninga er að nýir nemendur eigi auðveldara með að átta sig á skólaumhverfinu, bæði í rafrænum og raunheimi, fyrstu kennsludagana.

Haustið er runnið upp og fyrsti skóladagur annarinnar er á morgun, þriðjudag. Kennsla hefst samkvæmt stundarskrá kl. 8:15. Nýr skólameistari mun kynna sig stuttlega fyrir nemendum í salnum kl. 8:10.