17.03.2022
Emilía Hugrún Lárusdóttir vann söngkeppni NFSU sem haldin var í vikunni. Emilía Hugrún söng lagið I´d rather go blind með Ettu James. Keppnin var að venju stórglæsileg og umgjörðin öll til fyrirmyndar en að þessu sinni var yfirskrift keppninnar MAMMA MIA.
Lesa meira
15.03.2022
Loksins, loksins tekst að halda söngvakeppni FSu og mun hún fara fram í kvöld þriðjudaginn 15. mars. Upphaflega átti að halda hana 24. febrúar en vegna veirufaraldurs var henni frestað í tvígang. En nú er komið að því. Loksins, loksins endurtaka áhugasamir og fagna.
Lesa meira
09.03.2022
KÁTIR DAGAR og FLÓAFÁR voru haldnir í fyrstu viku marsmánaðar og tókust sérlega vel að þessu sinni. Skipulag var gott og þátttaka góð og mikið líf í gula húsinu við Tryggvagötu. Segja má að flestir hafi verið búnir að bíða nokkuð lengi eftir uppákomum af þessu tagi eftir veirufrestun síðustu tvö ár. Á Kátum dögum voru haldin fjölbreytt námskeið, kynningar og uppákomur en í Flóafári hópuðust nemendur í lið og kepptu í öllum námsgreinum skólans. Hvert lið fær sérstakt heimasvæði til að skreyta og síðan keppa þau í þrautunum út um allan skóla sem kennarar hafa útbúið. Hugmyndaauðgi liðanna í útliti og skipulagningu heimasvæða var mikil að venju og fór keppnin vel fram.
Lesa meira
28.02.2022
Eins og áður hefur komið fram í fréttapistlum FSu er nauðsynlegt að brjóta upp hefðbundið skólastarf með vettvangsferðum, leikhúsferðum, leiksýningum nemenda, heimsóknum nemenda á vinnustaði, gróðursetningu, fuglaskoðun, áfangamessu og jarðfræðiferðum svo nokkuð sé nefnt. OG nú er komið föstum liði í þeirri starfsemi (dagana 2., 3. og 4. mars) sem kallast KÁTIR DAGAR (og mun dagskrá þeirra birtast á heimasíðu skólans) og FLÓAFÁR og fara alltaf fram á vorönn
Lesa meira
22.02.2022
Nemendur í umhverfisfræði – ERGÓ B, eru þessa dagana að vinna að kynningum um áhugasvið sitt og sjálfbærni og bjóða gestum og gangandi að koma að kynna sér þessa áhugaverðu þróun á eftirfarandi tímum í stofu 201 í FSu:
Hópur 1: föstudagurinn 18. febrúar kl. 10:30
Hópur 2: miðvikudaginn 23. febrúar kl. 10.30
Hópur 3: fimmtudaginn 24. febrúar kl. 10:30
Hópur 4: fimmtudaginn 24. febrúar kl. 13:00
Lesa meira
17.02.2022
Myndlistarnemar FSu halda nú áfram uppteknum hætti að setja upp sýningu í opinberu sýningarrými utan skólans. Nemendur í framhaldsáföngum fá þá þjálfun í uppsetningu og kynningu á eigin verkum. Að þessu sinni eru það aðallega nemendur í módeláfanga á þriðja þrepi og einn til sem sýna í Listagjánni á Bókasafni Árborgar. Sýningin hefur verið opin frá 20. janúar en lýkur 20. febrúar næstkomandi.
Lesa meira
02.02.2022
Framundan er risarimma FSu í sjónvarpssal við Versló í GETTU BETUR eða nánar tiltekið komandi föstudagskvöld 4. febrúar á RÚV og hefst hún klukkan 20.05. Nú þurfa allir Sunnlendingar, vestan og austan lækjar (eins og sagt er hér á kaffistofu starfsmanna) að leggjast á árarnar og róa sínu frábæra liði til hafnar sem er skipað Ásrúnu Aldísi Hreinsdóttur (á 2. ári) - Bjarna Má Stefánssyni og Júlíu Lis Svansdóttur (á 3. ári). Í sameiningu hafa þau lagt að velli hafnfirska Flensborgara og breiðhyltska fjölbrautaskólanemendur.
Lesa meira
27.01.2022
Hefðir og nýjungar fléttast alltaf saman í skólastarfi enda þarf skóli bæði að þróast fram í tímann og virða hið liðna. Reyndar eru ýmsir þeirrar skoðunar að skóli sé frekar íhaldssöm stofnun og nái aldrei að slá í takti við þróun samfélagsins. Þá segja hinir að með því að eltast við nýjungar sé skólinn að æra óstöðugan.
Lesa meira
21.01.2022
Tveimur umferðum er nú lokið í GETTU BETUR keppni framhaldsskólanna og sigraði lið FSu í þeim báðum. Í fyrri umferðinni var lið Flensborgarskólans lagt að velli og í þeirri síðari lið Fjölbrautaskólans í Breiðholti. Sannarlega glæsilegur árangur þriggja frábærra nemenda en liðið er skipað Ásrúnu Aldísi Hreinsdóttur (á 2. ári) - Bjarna Má Stefánssyni og Júlíu Lis Svansdóttur (á 3. ári). Teymið hefur æft á fullu síðan í nóvember og hafa liðsmenn lagt mikla vinnu og visku í þann undirbúning. Og nú komin í átta liða úrslit og í sjálfa sjónvarpskeppnina.
Lesa meira
19.01.2022
Ef þið lendið í sóttkví eða einangrun er mikilvægt að tilkynna skólanum það strax. Til þess eru tvær leiðir:
1) Skráning í Innu: Smella á „Skrá veikindi“ og skrá skýringu á fjarveru sem sóttkví eða einangrun ásamt lokadegi sóttkvíar eða einangrunar.
2) Hringja á skrifstofu skólans, 480-8100 og gefa upp lokadag sóttkvíar eða einangrunar.
Lesa meira