Fréttir

Kristín Ólafsdóttir er dúx FSu á vorönn 2021. 101 nemandi brautskráðist laugardaginn 22. maí, í óhefðbundinni brautskráningu. Vegna samkomutakmarkana var brottfarendum skipt niður í tvo hópa og tvær athafnir fóru fram kl. 11 og kl. 13:30. Báðum athöfnum var streymt á netinu.

Brautskráning vorannar fer fram í tvennu lagi laugardaginn 22. maí. Sjá hlekki á útsendingu í fréttinni. Fyrri hluti verður kl. 11:00 og sá seinni kl. 13:30

Fab Lab áfangar hafa nú verið kenndir við FSu í nokkur misseri, bæði á 2. og 3. hæfnisþrepi. Fab Lab kemur af ensku orðunum Fabrication Laboratory, eins konar framleiðslu tilraunastofa eða smiðja með tækjum og tólum til að búa til nánast hvað sem er. Þar gefst einstakt tækifæri til að þjálfa sköpunargáfuna og hrinda hugmyndum sínum í framkvæmd með því að hanna, móta og framleiða hluti með aðstoð stafrænnar tækni

Nemendur í leiklist frumsýndu í liðinni viku verkið R+J=Ást í litla leikhúsinu við Sigtún. Verkið byggir á sögu Shakespeare um Rómeó og Júlíu, en sögusvið, tími og persónur hafa tekið miklum beytingum.

Þriðjudaginn 27. apríl gengu nokkrir nemendur ásamt kennurum á Eyjafjallajökul. Farið var með rútu að Seljavöllum, þaðan sem gengið var á topp jökulsins.

Dregið var miðvkudaginn 28. apríl í happdrætti sem nemendur og kennarar í áföngunum FÉLA2FL05 og FÉLA3RS05 stóðu fyrir í tilefni vitundardaga í FSu um stöðu flóttafólks í heiminum. Dregnir voru út 9 vinningar á eftirfarandi númer:

Síðasta vetrardag var haldinn málstofa sjúkraliðabrautar. Þar kynntu sjö útskriftarnemendur brautarinnar sín lokaverkefni fyrir gestum og kennara.

Í áfanganum lífsleikni á sérnámsbraut er verið að vinna með sjálfsmynd. Eitt verkefnið var að búa tll eiginleikatré.

Dagana 19. til 26. apríl standa nemendur í áföngunum FÉLA2FL05 og FÉLA3RS05 fyrir kynningu á málefnum flóttafólks og réttindastöðu þeirra. Nemendur áfanganna hafa unnið saman síðustu vikur að veggspjöldum með kynningarefni, tölfræði, staðreyndum og vakningarefni, verið í samstarfi við Solaris og Amnesty.

Nemendur í inniklæðningu (NNK2HH05) heimsóttu nýverið JÁ verk og skoðuðu byggingar í nýjum miðbæ hér á Selfossi. Þar tóku þeir Guðjón Þórisson og Sævar Sverrisson á móti hópnum og fræddu nemendur um húsin.