Fréttir

Fullyrðingin Heilbrigð sál í hraustum líkama á prýðilega við í starfi FSu. Og jafnvel þótt hún sé sögð á latínu Mens sana in corpore sano og rakin til rómverska skáldsins Juvenal sem uppi var 200 árum fyrir krist. Þetta vita þeir sem stunda göngur og hlaup, sund og jóga og yfirleitt alla almenna útvist og hreyfingu. Í íþróttaáfanganum útivist og fjallgöngur eða ÍÞRÓ2ÚF02 er hlúð að þessari grundvallarstaðreynd. Þar er farið í fimm fjallgöngur á önn auk þess sem ratvísi er kennd, umgengni við náttúruna og hvernig á að klæða sig til fjalla.

RÓÐURINN VAR ERFIÐUR EN UNDURSAMLEGUR segir Heimir Pálsson fyrsti skólameistari FSu í tilefni af 40 ára afmæli FSu Fjölbrautaskóli Suðurlands á fjörutíu ára starfsafmæli í dag, mánudaginn 13. september. Mega allir Sunnlendingar óska skólanum og því starfi sem þar hefur verið ræktað innilega til hamingju því heill og hamingja, menntun, manngildi og velferð hefur fylgt þessu skólastarfi frá upphafi vega. Fullyrða má að stofnun skólans haustið 1981 sé einn af hornsteinum í uppbyggingu þessa svæðis sem nær úr vestri frá Þorlákshöfn og til austurs alla leið í Vestur-Skaftafellsýslu.

Myndlistarnemar FSu halda nú áfram uppteknum hætti að setja upp sýningu í opinberu sýningarrými utan skólans. Það eru nemendur í framhaldsáföngum sem fá þjálfun í uppsetningu og kynningu á eigin verkum. Að þessu sinni eru það nemendur í áföngunum Myndlist og Straumar og stefnur á þriðja þrepi sem sýna í Listagjánni á Bókasafni Árborgar 10. - 30. september. Verkin eru unnin á vorönn 2021.

Fjölbrautaskóli Suðurlands er virkur þátttakandi í verkefninu GRÆN SKREF en markmið þess er að draga úr neikvæðum umhverfisáhrifum í opinberum rekstri og efla umhverfisvitund starfsmanna. Þátttakan sjálf er fjármögnuð af umhverfisráðuneytinu en kostnaður hverrar stofnunar felst í því að skipta yfir í umhverfisvænni rekstur sem leiðir að lokum til sparnaðar og minni losunar á CO2.

Alla tíð hefur verið lögð mikil rækt við námsráðgjöf í FSu en í henni felst mikill stuðningur við nám nemenda. Þær Agnes Ósk Snorradóttir, Anna Fríða Bjarnadóttir og Bjarney Sif Ægisdóttir gegna þessum störfum af miklum krafti í dagskólanum.

Þrátt fyrir veirufaraldur fer skólastarf í FSu vel af stað. Bjart er bæði yfir nemendum og starfsfólki og fjölbreytni og kraftur ríkir í skólastarfinu. Segja má að miðrými skólans í aðalbyggingunni Odda sé vel hannað til að höndla þær ráðstafanir sem grípa þarf til en bæði er þar hátt til lofts og vítt til veggja.

Jónína Baldursdóttir, Arney Ólöf Arnardóttir og Stefán Tor Leifsson settu upp hvítu húfurnar síðastliðinn laugardag eftir að hafa orðið stúdentar af hestalínu við Fjölbrautaskóla Suðurlands. Þessi efnilegu hestamenn eiga framtíðina fyrir sér í greininni en stefna í ólíkar áttir. Jónína hefur sett stefnuna á nám í dýralækningum, en Arney og Stefán stefna bæði á framhaldsnám í hestamennsku við Háskólann á Hólum, og að starfa við tamningar og reiðkennslu í framtíðinni. Þessi flotti hópur á það sameiginlegt að hafa óbilandi áhuga á hestum og allt sem viðkemur hestamennskunni. Þau hafa stundað sína hestamennsku af ótrúlegri eljusemi og metnaði, samhliða námi.

Kristín Ólafsdóttir er dúx FSu á vorönn 2021. 101 nemandi brautskráðist laugardaginn 22. maí, í óhefðbundinni brautskráningu. Vegna samkomutakmarkana var brottfarendum skipt niður í tvo hópa og tvær athafnir fóru fram kl. 11 og kl. 13:30. Báðum athöfnum var streymt á netinu.

Brautskráning vorannar fer fram í tvennu lagi laugardaginn 22. maí. Sjá hlekki á útsendingu í fréttinni. Fyrri hluti verður kl. 11:00 og sá seinni kl. 13:30