Fréttir

Vorönn 2020 er hafin og mættu nemendur hressir eftir jólafrí til náms þriðjudaginn 7. janúar. Um 750 nemendur eru skráðir í nám við skólann. Upphaf annar markar líka upphaf spurningakeppni framhaldsskólanna, Gettu betur, en lið FSu hefur leik í kvöld og mætir Tækniskólanum kl. 20. VIð hvetjum alla til að hlusta á keppnina, en hægt er að hlusta á viðureignina á RÚV Núll https://www.ruv.is/null. ÁFram FSu!

Arnór Ingi Grétarsson er dúx FSu á haustönn 2019. Hann útskrifaðist af tveimur stúdentslínum, viðskipta- og hagfræðilínu og alþjóðalínu. Arnór Ingi hlaut einnig viðurkenningu frá Hollvarðasamtökum FSu og margar viðurkenningar fyrir nám í einstökum námsgreinum.

Nýlega var dregið í fyrstu umferð Gettu betur 2020 sem hefst 6. janúar. Lið FSu mun mæta liði Tækniskólans og þriðjudaginn 7. janúar kl. 20:00.

Þann 7. desember var seinni einvígisleikur ársins milli Hyskis Höskulds og Tapsárra Flóamanna (briddssveitar starfsmanna FSu) spilaður á heimavelli Hyskisins, Merkurlaut í Flóahreppi. Leikurinn endaði 90 - 66 fyrir Flóamenn. Fyrri leikur ársins fór 94-35 fyrir Flóamenn þannig að briddssveit FSu hefur verið sigursæl þetta ár.

Þær voru glaðbeittar appelsínugulu verurnar sem kíktu í heimsókn á síðasta kennsludegi haustannar.

Nemendur á húsasmíðabraut fóru nýlega í heimsókn í Húsasmiðjuna á Selfossi og fræddust um það sem í boði er af timbri og plötum

Nemendur í kvennabókmenntum fengu skemmtilega heimsókn á dögunum. Harpa Rún Kristjánsdóttir skáld og fyrrum nemandi FSu hitti nemendur og spjallaði um lífið, tilveruna og hvernig á því stóð að hún byrjaði að skrifa.

Í fundargati á miðvikudögum gefst oft tækifæri til að bjóða upp á uppbrot fyrir nemendur. Nýlega kíkti fyrrverandi nemandi í heimsókn með gítarinn sinn og tók nokkur lög í Gryfjunni í miðrými skólans.