Fréttir

Kátir dagar voru haldnir í liðinni viku. Þá er formleg kennsla lögð niður og nemendur og starfsfólk taka þátt í dagskrá sem Kátudaganefnd skipuleggur. Dagskráin var fjölbreytt og var þátttaka góð. Fyrirlestrar voru vel sóttir sem og fjölbreyttir viðburðir og vinnustofur.

Koppafeiti eða Greaseliðið stóð uppi sem sigurvegari í hinu ávissa Flóafári sem fór fram á föstudag. Í Flóafári keppa lið undir stjórn nemenda í þrautum sem starfsmenn skólans útbúa. Keppt er um stig fyrir vandaðar þrautalausnir og að klára á gróðum tíma. Skólinn allur er undirlagður, hver krókur og kimi notaður og mikill metnaður hjá öllum liðum að vera með flottan heildarsvip, útbúa sitt svæði, halda góðum liðsanda, semja skemmtiatriði og skipuleggja sig vel.

Ljósmyndamaraþon var haldið á Kátum dögum. Að þessu sinni tóku 6 lið þátt í keppninni. Dómnefnd valdi bestu myndaseríuna og bestu myndir í hverjum flokki. Verðlaun voru veitt fyrir þær myndir og voru þau afhent á lokahnykk Kátra daga. Myndirnar og úrslitin má sjá hér.

Það er alltaf ákveðin eftirvænting í lofti þegar ferðanefnd Abbalabba, gönguklúbbs starfsmanna FSu, setur upp auglýsingu fyrir væntanlega göngu sumarsins.

Á morgun, miðvikudag hefjast Kátir dagar í Fsu kl. 10.30. Þá er hefðbundið skólastarf brotið upp og nemendum gefst tækifæri til að kynna sér allskyns fróðleg og spennandi verkefni, þrautir og fyrirlestra. Þau velja sér viðfangsefni en það er skyldumæting í skólann þessa daga. Nemendur þurfa að framvísa vegabréfi inn á viðburðina og fá kvittun til að fá mætingu gilda.

Vefur skólans er í stöðugri þróun og uppfærslu. Nú hefur svokölluð lesvél verið virkjuð á vefnum. Lesvélin gerir notendum kleift að hlusta á efni og greinar á vefnum. Jafnframt er hægt að stækka og breyta leturgerð, fletta orðum upp í orðabók og láta vélina þýða einstök orð. Eina sem þarf að gera er að smella á frétt eða grein og þá birtist hnappur þar sem hægt er að velja að hlusta. Allt efni vefsins er þannig aðgengilegt að PDF skrám undanskyldum.

Löng hefð er fyrir samvinnu FSu, Fjölbrautaskóla Vesturlands Akranesi og Fjölbrautaskóla Suðurnesja. Samstarfið felur í sér samráð bæði milli stjórnenda og starfsfólks skólanna þriggja, þar sem skólarnir eiga ýmislegt sameiginlegt varðandi námsframboð og starfsumhverfi.

Allir nýnemar í skólanum sóttu fyrirlestur á sal þar sem rithöfundurinn Andri Snær Magnason ræddi um loftslagsmál í víðu samhengi.

Nemendur í verknámi fór í dag í heimsókn í Set röraframleiðslu á Selfossi. Starfsemi fyrirtækisins var kynnt og fengu nemendur að skoða framleiðsluferlið

Árið og önnin byrja með hvelli í myndlistardeildinni en tekin hefur verið upp sú nýbreytni að setja upp sýningu í opinberu sýningarrými utan skólans og eru það nemendur í framhaldsáföngum sem fá þjálfun í uppsetningu og kynningu á eigin verkum. Það eru nemendur í módeláfanga á þriðja þrepi sem ríða á vaðið og sýna í Listagjánni á Bókasafni Árborgar 10. - 30. janúar.