Fréttir

Lið FSu mun mæta liði FB í fyrstu umferð spurningakeppni framhaldsskólanna Gettu betur þann 6. janúar n.k. Gettu betur-lið FSu árið 2021 er skipað þeim Ásrúnu Aldísi Hreinsdóttur, Ásthildi Ragnarsdóttur og Hlyni Héðinssyni, en varamaður er Tristan Magni Hauksson.

Nemendur í leiklist í FSu höfðu í nógu að snúast á síðustu dögum kennslu í byrjun desember, en þá fengu þau að snúa aftur í kennslustundir með þeim takmörkunum sem nú gilda. Þau frumsýndu átta örverk sem nemendur í íslenskuáfanganum Ritlist og tjáning (ÍSLE3RT05) höfðu skrifað.

Á þessari haustönn hafa nemendur á sérnámsbraut fengið mannréttindafræðslu. Nýlega var uppgjör á áfanganum og þá valdi hver og einn nemandi þau réttindi sem honum fannst mikilvægust og skrifaði á miða. Miðana límdu nemendur svo á hendur sem þeir höfðu teiknað eftir sinni eigin og sést afraksturinn á meðfylgjandi mynd. Hendurnar voru að sjálfsögðu í öllum litum í stíl við fjölbreytileikann í lífinu.

Línur eru farnar að skýrast varðandi Gettu betur á næsta ári. Mikil óvissa var um það hvort keppnin myndi fara fram á næsta ári, en RÚV gaf út tilkynningu s.l. föstudag þess efnis að halda ætti keppnina með hefðbundnu sniði, en þó með fyrirvara um breytingar vegna Covid.

Nýlega heimsótti Lilja Alfreðsdóttir FSu, undirritaði samning um nýja heimavist og notaði um leið tækifærið og skoðaði skólann. Hér má sjá myndir úr heimsókninni.