Fréttir

Kór Fsu hefur í nógu að snúast og starfið fjölbreytt. Nú vinnur kórinn að undirbúningi söngferðalags til Dublin á vorönn 2017.

Þær Arna Dögg Sturludóttir, Bergrún Gestsdóttir og Birta Rós Hlíðdal fóru með sigur af hólmi í Söngkeppni FSu sem haldin var í Iðu í gærkvöld. Tríóið söng lagið Don´t worry about me með Frances.

Hestabraut Fjölbrautarskóla Suðurlands hélt upp á 10 ára starfsafmæli fimmtudaginn 3. nóvember s.l. í reiðhöll hestamannafélagsins Sleipnis á Selfossi. Nemendur og kennarar á hestabraut buðu öllum áhugasömum að koma á sýningu til að fræðast um starf brautarinnar og fagna með þeim þessum merka áfanga. Sýningin heppnaðist afar vel og var þétt setið í stúkunni. Í kjölfar ávarps skólameistara Olgu Lísu Garðarsdóttur héldu nemendur um klukkustundar langa sýningu þar sem þau kynntu hluta af því sem er verið að kenna í verklegum reiðmennskutímum brautarinnar.

Við viljum minna á að nú er hægt að sækja um sérstakar prófaðstæður í lokaprófum í desember hjá náms- og starfsráðgjöfum. Umsóknarfrestur um sérstakar prófastæður er til og með 18. nóvember.

Agnes Ósk Snorradóttir, náms- og starfsráðgjafi við FSu, ritaði grein um mikilvægi náms- og starfsráðgjafar í skólastarfi ásamt þeim Eydísi Kötlu Guðmundsdóttur, Fræðslunetinu, og Jóhönnu Einarsdóttur, Sunnulækjarskóla.

Haustið 2015, heimsótti Walter Wellm, sölustjóri Hitachi rafmagnshandverkfæra í Evrópu verknámshús FSu. Þegar hann heimsótti skólann var verið að steypa upp sökkla á nýja verknámshúsinu. Walter ásamt Sverri Einarssyni, rekstrarstjóra Húsasmiðjunnar á Selfossi unnu síðan að því að Hitachi og Húsasmiðjan myndu styrkja verknám við skólann og gefa verkfæri.

Fjórða árið í röð er lið FSu komið áfram í úrslit BOXINS – framkvæmdakeppni framhaldsskólanna. Það eru Háskólinn í Reykjavík, Samtök iðnaðarins, mennta- og menningarmálaráðuneytið og Samband íslenskra framhaldsskólanema standa að Boxinu.

Október var forvarnarmánuður í FSu. Í hverri viku var boðið upp á fyrirlestra sem voru aðgengilegir fyrir alla nemendur skólans og fluttir í sal skólans.

Hestabraut FSu fagnar í haust 10 ár starfsafmæli og ætlar af því tilefni að blása til afmælishátíðar þann 3. nóvember nk. Veislan fer fram í reiðhöll hestamannafélagsins Sleipnis og hefst dagskráin kl. 17:00. Við viljum að þessu tilefni bjóða þér / ykkur að koma á sýningu, eiga með okkur skemmtilega stund og kynnast starfi brautarinnar.

Nú er búið að hengja upp sýningu á neðstu hæð Odda (rétt við mötuneytið) á veggspjöldum eftir nemendur í Grafískri hönnun. Við veggspjöldin þurftu nemendur einkum að leggja áherslu leturnoktun og mikilvægi leturs við framsetningu skilaboða. Nemendur völdu sér sjálfir setningar að vinna með. Kennari er Ágústa Ragnarsdóttir.