Fréttir

Lið FSu tók um helgina þátt í úrslitum í Boxinu, framkvæmdakeppni framhaldsskólanna. Úrslitakeppnin fór að venju fram í húsakynnum Háskólans í Reykjavík. Lið FSu stóð sig með mikum ágætum og uppskar fyrir vikið þriðja sæti. Liðið skipuðu Leó Snær Róbertsson, Dagur Snær Elísson, Karólína Ívarsdóttir, Álfheiður Österby og Harpa Svansdóttir.

Magdalena Eldey Þórsdóttir kom, sá og sigraði Söngkeppni FSu sem haldin var í Iðu fimmtudaginn 9. nóvember, en hún flutti Amy Winehouse lagið Back to black.

Fimmtudaginn 9. nóvember mun einn stærsti viðburður Suðurlands verða haldinn: Söngkeppni NFSu. Þar munu tíu galdrandi flott atriði munu stíga á stokk og keppast um Gullnu Eldinguna.

Nemendur í ENSK3ÞF05 (novel and film), opnuðu skólastofuna í vikunni og buðu gestum og gangandi að sjá kynningar á verkefnum sem þeir hafa verið að vinna að í októbermánuði. Verkefnið var valverkefni þar sem nemendur fjölluðu um ýmsar tegundir bóka og bíómynda, sumir bjuggu til sitt eigið handrit og tóku upp stuttmyndir, aðrir veltu fyrir sér sannsögulegum skáldsögum og kvikmyndum, hryllingsmyndum eða einbeittu sér að ákveðnum höfundum.

Í síðustu viku fór fram undankeppni Boxins þar sem 26 lið úr 14 framhaldsskólum tóku þátt en aðeins 8 lið úr jafnmörgum skólum eiga þess kost að komast í aðalkeppnina. Lið FSu tryggði sig áfram 5. árið í röð. Liðið mun etja kappi við Menntaskólann í Reykjavík, Kvennaskólann, Menntaskólann í Hamrahlíð, Fjölbrautaskólann í Breiðholti, Menntaskólann á Laugarvatni, Tækniskólann og Menntaskólann í Kópavogi. Lið FSu skipa þau Álfheiður Österby, Leó Snær Róbertsson, Harpa Svansdóttir, Karólína Ívarsdóttir og Dagur Snær Elísson.

Þriðjudaginn 24. október komu fulltrúar frá Rafiðnaðarsambandinu og Samtökum rafverktaka á Suðurlandi færandi hendi. Þessi samtök gáfu nemendunum 11 sem er á fyrsta ári á grunndeild rafiðna, nýjar glæsilegar spjaldtölvur.

Nemendur í FÉLA2BY05 sem er grunnáfangi í félagsfræði hafa undanfarnar kennslustundir unnið að því að búa til spil tengd menningu og trúarbrögðum.

Nemendur FSU fengu í vikunni forvarnarfræðslu um rafrettur í sal skólans. Björg Eyþórsdóttir hjúkrunarfræðingur og mastersnemi í heilbrigðsvísindum við HA, kom í heimsókn og ræddi við nemendur um skaðsemi og áhættur sem fylgja því að nota rafrettur.

Þessa önnina er aðeins önnur nálgun í veggjalistinni. Nú er málað á vegg sem verður samsettur og hreyfanlegur og fer sú vinna fram í svokallaðri Smiðju í Hamri, hinu nýja og glæsilega verknámshúsi FSu. Önnin er hálfnuð og verkefnið því farið að taka á sig góða mynd.