Fréttir

Við viljum minna á að nú er hægt að sækja um sérstakar prófaðstæður í lokaprófum í desember hjá náms- og starfsráðgjöfum. Umsóknarfrestur um sérstakar prófastæður er til og með 18. nóvember.

Agnes Ósk Snorradóttir, náms- og starfsráðgjafi við FSu, ritaði grein um mikilvægi náms- og starfsráðgjafar í skólastarfi ásamt þeim Eydísi Kötlu Guðmundsdóttur, Fræðslunetinu, og Jóhönnu Einarsdóttur, Sunnulækjarskóla.

Haustið 2015, heimsótti Walter Wellm, sölustjóri Hitachi rafmagnshandverkfæra í Evrópu verknámshús FSu. Þegar hann heimsótti skólann var verið að steypa upp sökkla á nýja verknámshúsinu. Walter ásamt Sverri Einarssyni, rekstrarstjóra Húsasmiðjunnar á Selfossi unnu síðan að því að Hitachi og Húsasmiðjan myndu styrkja verknám við skólann og gefa verkfæri.

Fjórða árið í röð er lið FSu komið áfram í úrslit BOXINS – framkvæmdakeppni framhaldsskólanna. Það eru Háskólinn í Reykjavík, Samtök iðnaðarins, mennta- og menningarmálaráðuneytið og Samband íslenskra framhaldsskólanema standa að Boxinu.

Október var forvarnarmánuður í FSu. Í hverri viku var boðið upp á fyrirlestra sem voru aðgengilegir fyrir alla nemendur skólans og fluttir í sal skólans.

Hestabraut FSu fagnar í haust 10 ár starfsafmæli og ætlar af því tilefni að blása til afmælishátíðar þann 3. nóvember nk. Veislan fer fram í reiðhöll hestamannafélagsins Sleipnis og hefst dagskráin kl. 17:00. Við viljum að þessu tilefni bjóða þér / ykkur að koma á sýningu, eiga með okkur skemmtilega stund og kynnast starfi brautarinnar.

Nú er búið að hengja upp sýningu á neðstu hæð Odda (rétt við mötuneytið) á veggspjöldum eftir nemendur í Grafískri hönnun. Við veggspjöldin þurftu nemendur einkum að leggja áherslu leturnoktun og mikilvægi leturs við framsetningu skilaboða. Nemendur völdu sér sjálfir setningar að vinna með. Kennari er Ágústa Ragnarsdóttir.

Konur lögðu niður vinnu í skólanum á kvennafrídaginn í gær kl.14:38 til að sýna samstöðu og vekja athygli á launamuni kynjanna. Hluti hópsins hittist á Hótel Selfoss til að ræða málin. Meðal atvinnutekjur kvenna eru 70,3% af meðal atvinnutekjum karla. Konur eru því með 29,7% lægri meðaltal atvinnutekna. Samkvæmt því eru konur búnar að vinna fyrir sínum launum eftir 5 klukkustundir og 38 mínútur miðað við fullan vinnudag frá kl. 9–17. Daglegum vinnuskyldum kvenna er því lokið kl. 14:38.

Í byrjun októbermánaðar ríkti gleði, glens og gjafmildi innan veggja skólans, en þá var haldið hátíðlega upp á góðgerðadaga. Þeir voru haldnir til að safna peningum fyrir þurfandi börn í Nígeríu með alls kyns uppákomum.

Í vikunni var haldin í fyrsta sinn svokölluð "áfangamessa". Þar kynntu kennarar námsgreinar á áfanga sem verða í boði á næstu önn og þannig geta nemendur betur áttað sig á því fjölbreytta námsvali sem er í boði við skólann. Viðburðurinn heppnaðist mjög vel og verður líklega fastur liður í skólastarfinu á önn hverri. Fleiri myndir frá áfangamessunni má finna á fésbókarsíðu skólans.