Fjölbrautaskóli Suðurlands

Verkefnið "Allt fyrir ástina" hlaut í dag viðurkenningu Félags sérkennara á Íslandi sem heiðursverkefni ársins 2025. Kennararnir Eva Dögg Jafetsdóttir og Halldóra Björk Guðmundsdóttir eiga heiðurinn af verkefninu.

Svokölluð VÍSNAKVÖLD voru haldin um árabil í FSu. Voru það skemmtanir á vegum kórs FSu þar sem tónlist og ljóðlist, frásagnir og kórsöngur mynduðu uppistöðuna. Vísnakvöldin voru mikilvægur þáttur í fjáröflun skólakórsins þegar utanlandsferðir hans voru farnar á nokkurra ára fresti.

Í tilefni af degi íslenskrar tungu er ástæða til að minnast skáldsins og náttúrufræðingsins Jónasar Hallgrímssonar (1807 – 1845) sem fæddist 16. nóvember. Dagurinn er helgaður honum og íslenskri tungu. Þó að Jónas væri að formi til náttúrufræðingur var hann að efni til skáld og svo gott skáld að fáum er jafnað við hann.

Ráðherra barna- og menntamála Guðmundur Ingi Kristinsson ásamt Ragnhildi Bolladóttur, Ívu Björnsdóttur og Guðbjörgu Ingunni Magnúsdóttur heimsóttu FSu á hádegi 12. nóvember. Tilgangur fundarins var að fylgja eftir hugmyndum ráðherra um skipulagsbreytingar á framhaldsskólastiginu.