Uppskeruhátíð Fyrirtækjasmiðjunnar
27.04.2011
Fimmtudaginn 14. apríl fór fram Uppskeruhátíð Fyrirtækjasmiðjunnar í Háskólanum í Reykjavík. Þar fengu 11 fyrirtæki tækifæri til að kynna sig fyrir framan fullan sal af fólki og dómnefnd. Í dómnefnd sátu Hildur Kristmundsdóttir útibússtjóri hjá Íslandsbanka, Páll A. Jónsson framkvæmdastjóri Mílu og Kristján Kristjánsson verkefnisstjóri hjá Innovit. Það var mikil spenna á meðal þátttakenda og margar frábærar kynningar á efnilegum hugmyndum. Einn hópur frá Fjölbrautaskóla Suðurlands fékk tækifæri til að kynna sitt fyrirtæki og stóð sig frábærlega. Glæsileg frammistaða hjá vel reknu fyrirtæki!