Unnu liðakeppni í hestaíþróttum
Lið FSu sigraði liðakeppni á framhaldsskólamótinu í hestaíþróttum sem fór fram 23. mars í Samskipahöllinni í Kópavogi. Þar voru átta keppendur frá FSu sem stóðu sig frábærlega. Fyrirkomulag mótsins var með því sniði að keppt var í 4 greinum, tölti, fjórgangi, fimmgangi og slaktaumatölti.
Haldin var úrtaka fyrr í mars í Fákaseli fyrir framhaldsskólamótið þar sem eftirfarandi keppendur komust áfram með sína hesta:
Dagbjört Skúladóttir, Gyða Sveinbjörg Kristinsdóttir, Kristín Hrönn Pálsdóttir, Stefán Thor Leifsson, Svandís Rós Jónssdóttir , Svanhildur Guðbrandsdóttir, Thelma Dögg Tómasdóttir og Vilborg Jónsdóttir.
Aðeins þrír keppendur mega keppa í hverjum flokki frá hverjum skóla og átti FSu knapa í öllum úrslitum. Hver knapi safnar stigum fyrir sitt lið með árangri sínum.