Tíðindi úr Fimleikaakademíu
28.04.2009
Það er í mörgu að snúast hjá stelpunum í fimleikaakademíunni núna á síðustu metrunum, dansnámskeið nýafstaðið og úrslitakeppni Íslandsmótsins framundan á föstudag og laugardag nk. í Iðu.
Miðvikudaginn 22. apríl sl. fékk akademían gestakennara í heimsókn, Stellu Rosenkranz sem er danskennari og yfirkennari dansstúdíó World Class. Hún var með stelpurnar í danstíma og kenndi þeim contemporary jazz dans" sem nýtist þeim vel í fimleikunum. Þetta vakti mikla lukku enda margir góðir dansarar í fimleikaakademíunni. Kennarinn var ánægður með duglegar og áhugasamar stelpurnar sem stóðu sig vel.
Föstudaginn 1. maí er úrslitakeppni Íslandsmótsins í hópfimleikum en hún er haldin á heimavelli í íþróttahúsi Iðu. Hópurinn keppir til úrslita á einstökum áhöldum og um sæti að komast á Norðurlandamót 16 ára og eldri sem haldið verður í Finnlandi í október 2009. Mótið verður jafnt og spennandi og mæta öll bestu lið landsins til keppni og eru keppendur í öllum flokkum, karlalið, kvennalið og blönduð lið. Mótið hefst klukkan 15:00 1.maí. Nú er mikilvægt að fylla húsið J
Laugardaginn 2. maí er úrslitakeppni í fjölþraut og hefur hópurinn unnið sér þátttökurétt í þeim úrslitum en það gerðu þær í undankeppninni sem fram fór í Kópavogi 18.apríl. Úrslitin á laugardaginn hefjast klukkan 13:30 og fara einnig fram í Iðu.