Skemmtileg leiklistarhátíð

Mynd úr verkinu Sofðu unga ástin mín eftir Petrúnellu Kristjánsdóttur. Leikarar Sigurður Randver Benediktsson og Sölvi Scheving Pálsson (hendi).

Nemendur í leiklist og nemendur í íslenskuáfanga í skapandi skrifum héldu í liðinni viku uppskeru- og leiklistarhátíð þar sem sýnd voru 10 stuttverk. Um er að ræða samstarfsverkefni íslenskuáfanga í skapandi skrifum og leiklistaráfanga á 1. og 2. þrepi undir stjórn Guðfinnu Gunnarsdóttur og Jóns Özurar Snorrasonar. Nemendur í skapandi skrifum bjuggu til stuttverk sem nemendur í leiklit fengu svo í hendur til að útfæra og æfa. Sýnt var á ýmsum stöðum í skólanum og ferðuðust áhorfendur með hópunum til að horfa. Meðal annars var sýnt í Gryfjunni, kjallara, bókasafni og kennslustofum. áhorfendur skemmtu sér konunglega og gaman fyrir höfundana að sjá verkin sín lifna við.  Fleiri myndir frá hátíðinni má finna á fésbókarsíðu skólans.