Líf og fjör á Starfamessu

Fjölmörg sunnlensk fyrirtæki kynntu starfsemi sína á Starfamessu.

Það var ys og þys á Starfamessu í Hamri, verknámshúsi FSu í vikunni, þegar grunnskólanemendur af Suðurlandi og aðrir gestir kynntu sér hvað þeim stendur til boða meðal sunnlenskra fyrirtækja, eftir nám í verk-, tækni- og iðngreinum.

Á messunni sameinast fyrirtæki og skólar um að kynna sig og sínar náms- og atvinnugreinar á líflegan og spennandi hátt.

Markmið messunnar er að kynna fyrir tilvonandi og núverandi framhaldsskólanemum hvað þeim stendur til boða þegar kemur að störfum á Suðurlandi Er óhætt að segja að viðburðurinn hafi heppnast vel.

Fleiri myndir frá messunni má nálgast á fésbókarsíðu skólans.