Heimsókn frá Eistlandi

Eistneski hópurinn fyrir framan skólann.

17 manna hópur skólafólks frá Eistlandi heimsótti FSu miðvikudaginn 6. mars. Þetta voru skólastjórnendur og starfsfólk eistneska menntamálaráðuneytisins sem eru hér á landi til að kynna sér íslenska skólakerfið. Hópurinn fékk kynningu á skólanum og námsframboði hans auk þess sem gengið var um húsnæði skólans og voru gestirnir sérstaklega áhugasamir um tengsl bóknáms og verknáms og sveigjanleikann sem íslenska áfangakerfið býður upp á.