UPPE2UM05

Titill Uppvöxtur
Námsgrein Uppeldisfræði
Viðfangsefni Fjallað um sögu uppeldis og menntunar, nútíma þroskakenningar, barnamenningu og helstu áhrifavaldi í lífi barna og unglinga.
Skammstöfun UPPE2UM05
Þrep 2
Einingafjöldi 5
Lýsing

Í áfanganum er fjallað um uppeldis- og menntunarfræði sem fræðigrein, rætur hennar, sögu og hagnýtingu. Lögð er áhersla á að efla skilning á mikilvægi uppeldis og menntunar og að nemendur öðlist hæfni til að takast á við störf er tengjast uppeldi og menntun. Margs konar verkefni eru unnin í áfanganum og áhersla er lögð á að nemandinn þjálfist í sjálfstæðum vinnubrögðum og virkri samvinnu við aðra í verkefnavinnu. Einnig er lögð áhersla á að nemendur fái þjálfun í fjölbreytilegri gagnaöflun og í að kynna niðurstöður sínar skriflega og munnlega.
Forkröfur

 
Þekkingarviðmið


Nemandi skal hafa aflað sér almennrar þekkingar og skilnings á:

  • mótunaraðilum uppeldis og menntunar í samfélaginu
  • áhrifum menningarþátta í samfélaginu á börn og unglinga
  • kenningum sem hafa áhrif á uppeldi og menntun
  • margvíslegum könnunum á uppeldi og menntun
  • mikilvægi þeirra sem starfa með börnum og unglingum
  • aðalatriðum í sögu uppeldis og menntunar
  • samskiptaaðferðum og leiðum til að leysa ágreining í uppeldi
  • störfum og markmiðum leikskóla

 
Leikniviðmið Nemandi skal hafa öðlast leikni í að:
  • beita mismunandi samskiptaaðferðum og aðferðum við lausn uppeldislegs ágreinings
  • greina teikningar barna eftir mismunandi þroskakenningum
  • miðla þekkingu sem hann hefur aflað sér í ræðu og riti
  • beita mismunandi vinnubrögðum og tjáningarformum og greina hvaða vinnubrögð og tjáning hentar hverju verkefni
Hæfniviðmið Nemandi skal geta hagnýtt þá almennu þekkingu og leikni sem hann hefur aflað sér til að:
  • taka ábyrga og sjálfstæða afstöðu til mála er varða uppeldi og menntun
  • miðla þeirri afstöðu sinni á margvíslegan hátt
  • greina uppeldisleg álitamál og draga ályktanir út frá ákveðnum forsendum og rökstyðja þær ályktanir
Námsmat Námsmat byggist á símati. Til grundvallar matinu liggja fjögur kaflapróf og fjögur skilaverkefni, en þau eru eftirfarandi: greinargerð um sérvaldan aðila innan uppeldissögunnar, skýrsla um heimsókn í leikskóla og grunnskóla,    verkefni um barnamenningu og eitt heimildaverkefni.