MYND3TK05

Titill

Teikning 2

Námsgrein

Myndlist

Viðfangsefni

Teikning (blýantur, fríhendisteikningar, skyggingar, súrrealísk myndbygging, fjarvídd, hlutföll mannslíkamans, blindteikning)

Skammstöfun

MYND3TK05

Staða

Þrep

3

Einingafjöldi

5

Tillaga að bókstöfum/tölustöfum skóla

Lýsing

Í áfanganum rifja nemendur upp skyggingaraðferðir og form- og  línuteikningar úr MYND2TK05. Farið er dýpra í fjarvídd, þjálfun formskilnings og rúðustækkun. Kynntar og þjálfaðar blindteikningar mannamynda svo og hlutföll í mannslíkamanum. Gerður samanburður á myndbyggingu út frá raunsæi og súrrealisma og lögð áhersla á fríhendisteikningu og skissugerð.

Forkröfur

MYND2TK05

Þekkingarviðmið

Nemandi skal hafa aflað sér þekkingar og skilnings á:

• skygging náttúruforma
• áhrifum skugga og ljóss á raunsæjan og súrrealískan hátt
• margbrotnum  þríviðum formum
• notkun fjarvíddarpunkta í myndbyggingu við skissugerð.
• blindteikningu og hlutfallateikningu mannslíkamans

Leikniviðmið

Nemandi skal hafa öðlast leikni í :

• fríhendis skissugerð
• teikningu margbrotinna þrívíðra forma og skyggingu þeirra.
• myndbyggingu bæði á raunsæjan og súrrealískan hátt.
• vinna með fjarvídd og náttúruform í fríhendisteikningu
• að mæla út hlutföll mannslíkamans og nýta í sinni teikningu.
• blindteikningu mannslíkamans
• að teikna með rúðustækkun flókna hluti með grunnformin í huga.

Hæfniviðmið

Nemandi skal geta hagnýtt þá þekkingu og leikni sem hann hefur aflað sér til að:

• teikna myndir úr sínu nánasta umhverfi með hjálp þrívíddar - og fjarvíddartækni og formskynjun
• ná fram fjölbreytilegri skyggingu í sínum myndum
• byggja upp myndir úr margbrotnum þrívíðum formum
• teikna upp raunsæja sem og súrrealíska mynd af hlutum og umhverfi sínu.
• teikna fólk með blindteikningu og líka í réttum hlutföllum

Námsmat

Áfanginn er símatsáfangi þar sem hvert viðfangsefni fær sinn ákveðna tíma. Ekkert lokapróf.

Útgáfunúmer

Skólar

Fyrirmynd