LÍFF3VI05

Titill

Vistfræði

Áfanginn á að veita nemendum greinargóða yfirsýn yfir vistfræðina sem fræðigrein, aðferðafræði hennar og viðfangsefni. Lögð er áhersla á sérstöðu Íslands, helstu gerðir vistkerfa sem hér finnast í sjó jafnt sem á landi og vistfræðilegar rannsóknir hér á landi. Gert er ráð fyrir fjölbreyttri verkefnavinnu nemenda í áfanganum sem m.a. krefst vettvangsferða, heimsókna, upplýsingaöflunar og framsetningar ýmissa smærri og stærri verkefna.

Í áfanganum er fjallað um uppbyggingu, orkuflæði og efnahringrásir vistkerfa og teknar fyrir kenningar sem lúta að stöðugleika eða kviku jafnvægi vistkerfa. Fjallað er um líffræðilegan fjölbreytileika og breytingar á tegundasamsetningu líffélaga, bæði af náttúrulegum orsökum og af völdum manna.

Stofnhugtakið er tekið fyrir og skoðaðar helstu mælingaaðferðir og rannsóknir á stofnum. Fjallað er um sjálfbæra nýtingu lífrænna auðlinda og helstu nytjastofna hér við land. Rætt er um aðlögun og hæfni lífvera og áhrif vistfræðilegra þátta á þróun þeirra og atferli.

Nemandi skal hafa öðlast þekkingu og skilning á:

• sögu vistfræðinnar og tengslum við aðrar greinar
• helstu hugtökum vistfræðinnar
• aðferðafræði vistfræðirannsókna
• uppbyggingu og mótun vistkerfa
• sérstöðu Íslands
• helstu hugtökum stofnvistfræði
• sjálfbærri nýtingu lífrænna auðlinda
• líffræðilegum fjölbreytileika
• helstu rökum fyrir náttúruvernd

Nemandi skal hafa öðlast leikni í að:

• lesa vistfræðilegar upplýsingar úr máli og myndum
• beita hugtökum vistfræðinnar í rökrænu samhengi
• fjalla um álitamál sem varða íslenska náttúru í víðum skilningi
• beita einföldum vistfræðilegum aðferðum í verklegum æfingum og vinna skýrslur úr þeim
• þekkja einkenni og áhrifaþætti ólíkra vistkerfa

Nemandi skal geta hagnýtt þá almennu þekkingu og leikni sem hann hefur aflað sér til að:

geta tekið ábyrga og rökstudda afstöðu til vistfræðilegra dægurmála

tengja undirstöðuþekkingu í vistfræði við daglegt líf og sjá notagildi hennar

fjalla um vistfræði á gagnrýninn hátt og velta fyrir sér ólíkum sjónarmiðum og lausnum

afla sér frekari upplýsinga og þekkingar á vistfræðilegum viðfangsefnum

taka ábyrgð á áhrifum eigin lífs á umhverfið m.t.t. vistfræði og sjálfbærrar nýtingar