KÓRA1AA02

Nemandi fær úthlutað námsefni af kórstjóra er hæfir viðfangsefninu. Nemanda ber að kaupa kórmöppu.Viðfangsefnin eru margbreytileg en fastur liður á hverri önn er a.m.k. einir tónleikar auk söngs við brautskráningu. Mikilvægt er að kórfélagar geri sér grein fyrir því að það hvílir ábyrgð á herðum þeirra að stunda kórinn jafnt og þétt alla önnina. Nemendur verða að vera tilbúnir í að sinna verkefnum utan skólatíma, s.s. tónleikahald, æfingabúðir, fjáröflunarstarf, aukaæfingar o.fl.

- Að efla söngkunnáttu nemandans

- Að styrkja félagsfærni nemandans og samvinnu

- Að þjálfa nemandann í framkomu við ólík tækifæri

- Að nemandinn kynnist fjölmörgum ítölskum hugtökum í tónlist

- Að kynna fyrir nemendum íslenskan tónlistararf í formi þjóðlaga

-Að þjálfast í flutningi á tónlist úr ólíkum stíltegundum s.s. djass

  þjóðlagatónlist,klassík, kirkjutónlist, popptónlist o.fl.

Nemandi skal hafa öðlast leikni í

-söng og framkomu

-nánu samstarfi og samvinnu

-félagsfærni og ábyrgð

-greina og flytja tónlist af ólíkum stíl og uppruna

Nemandi skal geta hagnýtt þá almennu þekkingu og leikni sem hann hefur aflað sér til að:

-meta gæði söngmenntar

-öðlast þekkingu á kórstarfi

-áframhaldandi söngnám eða kórstarf

-atvinnumennsku í tónlist

Til að standast önnina verður ástundun að hafa verið til fyrirmyndar, þ.e. raunmæting má ekki fara undir 80% og ætlast er til að nemandi mæti á allar uppákomur kórsins innan skóla sem utan. Séu   ofangreind skilyrði uppfyllt fær nemandi aukaeiningu. Og til að standast kóraáfangan þarf að mæta við brautskráningu í lok hverrar annar.