ÍSLE1LR05

Titill

Lestur og ritun

Nemendur lesa eina skáldsögu og smásögu og vinna verkefni tengd þeim. Þeir skrifa smásögu í ferlisritun. Þeir læra bragfræði og lesa ljóð. Þeir þjálfast í lestri, skrift og framsögn.

Ritun: Nemendur vinna skrifleg verkefni og þjálfast í að semja innihaldsríkar málsgreinar. Hugað verður að byggingu efnisgreina.

Lestur: Nemendur lesa eina skáldsögu, að minnsta kosti eina smásögu og nokkur ljóð.

Málnotkun: Nemendur þjálfast í að beita tungumálinu með því að fjalla um bókmenntir og að mynda sér skoðun á þeim. Þeir þurfa að vinna skrifleg verkefni.

Framsögn: Nemendur þjálfast í að koma fram fyrir hóp og flytja áheyrilega ljóð eða lausamálstexta.

• grunnhugtökum í ritgerðasmíð,
• helstu málfræðihugtökum og ritreglum sem nýtast í tal- og ritmáli
• orðaforða umfram það sem tíðkast í talmáli
• mismunandi lestraraðferðum
• nokkrum tegundum bókmennta og nytjatexta
• helstu hugtökum sem nýtast við umfjöllun um bókmenntir

• skrifa ýmsar tegundir nytjatexta í samfelldu máli þar sem framsetning er skýr og skipulögð
• nota leiðréttingarforrit og önnur hjálpargögn til að lagfæra eigin texta
• nýta algengustu hugtök í málfræði til að bæta eigin málfærni
• beita mismunandi blæbrigðum og málsniði í tal- og ritmáli
• taka saman og flytja stuttar endursagnir, lýsingar og kynningar á afmörkuðu efni
• lesa sér til gagns og gamans texta sem gera nokkrar kröfur til lesenda
• skilja algengt líkingamál og orðatiltæki

• semja stutta texta af ýmsu tagi með viðeigandi málfari
• beita einföldum blæbrigðum í málnotkun til að forðast einhæfni og endurtekningar
• halda uppi samræðum og rökstyðja eigin fullyrðingar, ákvarðanir eða skoðanir á málefnalegan hátt
• túlka og meta atburðarás og persónur í bókmenntum eða annars konar textum
• sýna þroskaða siðferðisvitund og víðsýni í málflutningi sínum, umfjöllunum og verkum