INRH3SH10

Í áfanganum læra nemendur um smíði innréttinga og innihurða með áherslu á spónlagningu, yfirborðsmeðferð og vélavinnslu plötuefnis. Lögð er áhersla á grunnatriði spónlagningar eins og plötu- og spónlagningarefni, áhöld, tæki, spónskurð, mynstrun og spónlímingu. Teknar eru fyrir samsetningar á plötuefni, smíðisfestingar, smíðistengi og uppsetning á innréttingum. Gerð er grein fyrir iðnaðarframleiðslu á innréttingum og innihurðum og mikilvægi þess að staðla vinnuferli og gerð, stærð og lögun framleiðsluvöru. Kennslan er aðallega verkleg og byggist á spónlagningu og plötusmíði þar sem nemendur fá þjálfun í að smíða skápa og innihurðir. Áfanginn er sameiginlegur með húsasmiðum og húsgagnasmiðum.

Nemandi skal hafa aflað sér þekkingar og skilnings á:

• Efnum til smíði innréttinga og innihurða
• Verkfærum og tækjum til smíði innréttinga og innihurða
• Helstu samsetningaraðferðum innréttinga og innihurða
• Uppsetningu innréttinga og innihurða
• Spónlagningu
• Stöðlun í vinnuferli, stærð og lögun framleiðsluvöru

Nemandi skal hafa öðlast leikni í:

• Vélavinnu/plötusmíði
• Spónlagningu
• samsetningum

Nemandi skal geta hagnýtt þá þekkingu og leikni sem hann hefur aflað sér til að:

• Velja vélar, tæki og aðferðir við hæfi hverju sinni
• Velja efni við hæfi hverju sinni
• Velja gerð, stærð og lögun í samræmi við staðla