EFNA2AE05

Titill

Almenn efnafræði 1

Námsgrein Efnafræði
Viðfangsefni Grunnhugtök, lotukerfið, mólhugtakið og hlutfallsreikningar efnajafna.
Skammstöfun EFNA2AE05
Staða  
Þrep 2
Einingafjöldi 5
Tillaga að bókstöfum/tölustöfum skóla  
Lýsing Í áfanganum er farið í undirstöðuatriði efnafræðinnar og nemendur látnir vinna með grunnhugtök greinarinnar. Þeir þjálfast í meðferð hjálpargagna, s.s. lotukerfis, jónatöflu, töflu yfir auðleyst og torleyst sölt, rafdrægnigildi frumefna o.þ.h. Nemendur kynnast verklegum æfingum í efnafræði og þjálfast í þeim vinnubrögðum sem þar eru viðhöfð.
Forkröfur  
Þekkingarviðmið Nemandi skal hafa öðlast þekkingu og skilning á:
  • uppbyggingu atóma, jóna og sameinda
  • rafeindaskipan og mikilvægi hennar
  • flokkun efna, efnatáknum og helstu efnabreytingum
  • efnatengjum og áhrifum þeirra á eiginleika efna
  • helstu gerðum efnahvarfa
  • mólhugtakinu
  • nafnakerfi ólífrænna efna
Leikniviðmið Nemandi skal hafa öðlast leikni í að:
  • nota hjálpargögn í efnafræði, s.s. lotukerfi, jónatöflu, leysnitöflu, rafdrægnigildi, virkniröð málma
  • rita og stilla efnajöfnur
  • beita mólútreikningum og hlutfallareikningi í efnahvörfum
  • framkvæma verklegar æfingar og vinna úr niðurstöðum
Hæfniviðmið Nemandi skal geta hagnýtt þá almennu þekkingu og leikni sem hann hefur aflað sér til að:
  • tengja efnafræðina við daglegt líf og umhverfi
  • leggja rökstutt mat á eiginleika efna, s.s. ástandsform, hvarfhegðun o.fl. með aðstoð hjálpargagna
  • sjá notagildi efnafræðinnar og mikilvægi í raungreinum
  • skrifa skýrar og vandaðar skýrslur
Námsmat

Námsmat er útfært í kennsluáætlun í samræmi við skólanámskrá.

Útgáfunúmer  
Skólar  
Fyrirmynd EFN 103