Hestaliðabraut (HE) - hestasveinn

Hestaliðabraut er 115 - 140 eininga námsbraut með námslok á 2. hæfniþrepi. Námið er bæði verklegt og bóklegt og útskrifast nemandi sem hestasveinn. 

Hestasveinn vinnur sem aðstoðarmaður á hestabúgörðum, hestaleigum eða öðrum sambærilegum fyrirtækjum. Hann sinnir helstu verkþáttum er lúta að hirðingu hesta og aðstoðar við þjálfun þeirra. Hann aðstoðar viðskiptavini í lengri og skemmri hestaferðum hjá hestaleigum og getur leiðbeint þeim um grunnþætti hestamennsku.

Meðalnámstími er fjórar annir í skóla og 12 vikur í starfsnámi. Starfsnám fer fram að sumri á viðurkenndum verknámsstað að loknum undirbúningsáfanga, eftir aðra önn og fjórðu önn. Kennt er á hesta í eigu skólans og þurfa nemendur að vera í viðunandi líkamlegu formi til að sinna reiðmennsku.

Nemendur sem ná fullnægjandi árangri í námi geta skráð sig á stúdentsbraut - hestalínu og lokið stúdentsprófi.

**Missi nemendur af félagsfræði og umhverfisfræði á fyrsta þrepi taka þeir aðra áfanga í félags- og náttúrufræðigreinum í staðinn. 

Brautin er í samræmi við námsbrautarlýsingu á námskrá.is

 
*Að auki velja nemendur áfanga í kjarnagreinum þ.e. íslensku, ensku og stærðfræði, eins og sést að ofan. Einnig skal velja einn áfanga í íþróttum.