Hársnyrtiiðn - HÁR (4 annir af 6)

Brautin tók gildi á haustönn 2026.

Grunnnám í hársnyrtiiðn er fyrstu 4 annir heildarnáms til hársnyrtis eða 90 einingar. Heildarnám í hársnyrtiiðn er um 220 einingar og eru námslok á 3. hæfniþrepi. Námið er í boði við Tækniskólann og Verkmenntaskólann á Akureyri. Að lokinni starfsþjálfun þreyta nemendur sveinspróf sem veitir réttindi til að starfa í iðngreininni og síðar inngöngu í nám til iðnmeistara í hársnyrtiiðn.

Hársnyrtir klippir, litar, setur permanent í hár og blæs og útfærir hár allra kynja – allt óháð hárlengd, hárgerð og höfuðlagi. Hann velur vörur og áhöld og útfærir þjónustu á faglegum forsendum en miðar einnig við þarfir og óskir viðskiptavina.

Á hverri önn velja nemendur kjarnagrein; ensku, íslensku eða stærðfræði, og raðast í áfanga eftir hæfnieinkunn úr grunnskóla. Röðun í byrjunaráfanga tekur mið af hæfnieinkunn úr grunnskóla og til að hefja nám á öðru hæfniþrepi þarf einkunn B eða hærra. Nánari leiðbeiningar um inntökuskilyrði og röðun í kjarnaáfanga.

5 einingar eru í frjálsu vali.

*lífsleikni - ERGÓ-áfangarnir koma í stað FÉLA1SA05 og UMHV1SU05

**SKYN2HJ01 er námskeið sem boðið er upp á í skólanum. Nemendur þurfa að ljúka a.m.k. 12 klukkustunda námskeiði í skyndihjálp.

Eldri braut má nálgast hér - Brautin var í gildi til og með vorönn 2026.