Rafvirkjabraut

Rafvirkjabraut  - rafvirki - hæfniþrep 3
Nám á rafvirkjabraut er 267 - 277 eininga löggilt iðnnám með námslok á 3. hæfniþrepi. Námið undirbýr nemendur undir starf rafvirkja sem er lögverndað starfsheiti. Í starfi þeirra felst meðal annars að leggja rafmagn, setja upp rafmangstöflur, dósir, tengla, lýsingu og netkerfi, velja vinnuaðferðir, efni og verkfæri og fara eftir kröfum um öryggismál. Í starfi sínu sýna þeir sjálfstæð vinnubrögð og frumkvæði.  Að fengnu prófskírteini sem vottar útskrift af viðkomandi námsbraut og vottorði um að starfsþjálfun sé lokið getur nemandi sótt um að taka sveinspróf sem leiðir til útgáfu sveinsbréfs.

Röðun í byrjunaráfanga í kjarnagreinum og dönsku tekur mið af hæfnieinkunn úr grunnskóla og til að hefja nám á öðru hæfniþrepi þarf einkunn B eða hærra. Nánari leiðbeiningar um inntökuskilyrði og röðun í kjarnaáfanga.

Meðalnámstími 6 annir í skóla og 48 vikur í starfsþjálfun, þ.e. 80 einingar.

 Faggreinar brautar eru í samræmi við staðfesta námsbrautalýsingu 

 *Námskeið

Eldri braut

Grunnnám rafiðna (GR)

Meginmarkmið grunnnáms rafiðna er að veita almenna og faglega undirstöðumenntun undir sérnám í rafiðngreinum, þ.e. rafeindavirkjun, rafvirkjun og rafvélavirkjun, rafveituvirkjun og kvikmyndasýningarstjórn og er jafnframt skilyrði til innritunar í sérnám þessara greina.

 Inntökuskilyrði: Að hafa lokið grunnskóla með lágmarkseinkunn C í íslensku og stærðfræði. Að öðrum kosti þurfa nemendur að ljúka undirbúningsáfanga í íslensku og stærðfræði áður en þeir hefja nám á brautinni.  Athugið að C er lágmarkseinkunn, bent er á að æskilegt er að nemendur hafi góðan undirbúning í stærðfræði áður en þeir hefja nám á brautinni.

Rafvirkjun
Nemendur sem hyggja á nám í rafvirkjun fara fyrst í Grunnnám rafiðna.  Að því námi loknu geta nemendur bætt við tveimur önnum í Rafvirkjun. Meðalnámstími í rafvirkjun er því sex annir en að þeim loknum fara nemendur í starfsþjálfun á vinnumarkaði. Rafvirkjun er löggilt iðngrein og lýkur með sveinsprófi.

 Áfangar Rafvirkjunar að loknu grunnnámi rafiðna:

Auk ofangreindra faggreina þarf nemandi í rafvirkjun að hafa lokið 10 einingum í íslensku, ensku og stærðfræði á 2. þrepi.