Silfur í stuttmyndakeppni

Fimmtudaginn 2. apríl tók hópur nema úr FSu þátt í Stuttmyndakeppni starfsbrauta framhaldsskólanna sem fram fór í Flensborgarskóla í Hafnarfirði. Myndir frá 6 skólum voru kynntar á hátíðinni og hreppti okkar fólk annað sætið í keppninni.

Úrslit urðu með eftirfarandi hætti:
Þriðja sæti deildu Fjölbrautaskólinn í Breiðholti  og Flensborgarskólinn í Hafnarfirði. Í öðru sæti varð FSu eins og áður sagði, en okkar mynd nefndist „Upp með hendur, niður með fætur“. Sigurvegarar kvöldsins voru nemendur Fjölbrautaskóla Vesturlands á Akranesi  með myndina „Emil í Kattholti byrjar í Fjölbraut“. Það voru þreyttir en ánægðir kvikmyndagerðarmenn sem komu austur fyrir fjall upp úr miðnætti.