Framför í fjallgöngum

Fimmvörðuháls genginn.

Á þessari önn eru kenndir tveir fjallgönguáfangar.  Einingarnar sem fást fyrir þessa áfanga metast sem íþróttaeiningar.  Annar hópurinn fer í nokkrar fjallgöngur í nágrenni skólanns, þrjár styttri göngur á föstudögum eftir skóla og tvær lengri laugardagsgöngur.  Myndir úr þeim ferðum koma síðar.

Hinn hópurinn gekk yfir Fimmvörðuháls á dögunum.  Eftir 25km göngu, 1000m hækkun og 900m lækkun var gist í skála Útivistar í Básum.  Eftir góðan kvöldmat lögðust flestir til hvílu en aðrir fóru í feluleik og spjölluðu eitthvað fram eftir kvöldi.  Daginn eftir var ekið heim með viðkomu í Nauthúsagili.  31 nemandi ásamt Ásdísi og Sverri íþróttakennurum skólans fóru í gönguna.  

Fleiri myndir úr göngunni má finna á fésbókarsíðu skólans.