Aðalfundur Starfsmannafélagsins

Aðalfundur Starfsmannafélags FSu var haldinn föstudaginn 28. ágúst. Fráfarandi formaður, Jón Özur, flutti ljóðrænan annál eins og honum er einum lagið og Inga gjaldkeri fór yfir reikninga. Þrátt fyrir nokkurn hagnað á síðast ári ákvað fundurinn að hækka árgjöldin, sem sýnir fádæma greiðsluvilja félagsmanna. Ný stjórn var kjörin. Formaður næsta árið er Ragnar Geir Brynjólfsson og aðrir stjórnarmenn Pálína Vigdís Sigtryggsdóttir, Sigursveinn Sigurðsson og Þórunn Elva Bjarkadóttir.