MYND2TM05

Teiknimyndagerð og myndskreytingar

Í áfanganum verður farið í gegnum og skoðað eðli myndskreytinga (myndlýsinga) og þýðingu þeirra fyrir annars samfelldan texta. Rýnt verður í skopteikningar dagblaða og tímarita og þau miklu áhrif sem þess háttar miðlun getur haft. Farið verður í uppbyggingu hinnar klassísku myndasögu, mikilvægi myndbyggingu hvers ramma sem og myndbyggingu hverrar síðu og að innihald komst til skila ekki síst í gegnum myndmálið. Einnig verða skoðaðar styttri strípur sbr. í dagblöðum. Lögð verður áhersla á að nemendur finni sinn stíl.

Verkefnin munu felast í því að myndskreyta íslenska smásögu, vinna skopteikningar sem endurspeglan samtímann (rauntíma) hvort heldur á Íslandi eða annars staðar í heiminum, vinna litlar strípur með “punchline” og loks lengri myndasögu út frá þjóðsögum og goðafræði.

Nemandi skal hafa aflað sér þekkingar og skilnings á:

• hlutverki og áhrif myndskreytinga með samfelldum texta.
• hvernig stíll og myndbygging geta byggt upp tilfinningu fyrir textanum.
• mikilvægi þess að finna rétta vinkilinn úr textanum til myndskreytingar.
• mikilvægi myndskreyta í upplýsingaheimi nútímans.
• ábyrgð myndskreyta í hverjum samtíma
• hvað þarf að vera í myndasögu til þess að hún komist til skila án margara orða og jafnvel orðalaust.
• mikilvægi flæðis í myndasögunni.
• mikilvægi góðrar uppsetningar á myndasögu þar sem hver rammi skiptir máli í heildarmyndbyggingu síðunnar.

Nemandi skal hafa öðlast leikni í :

• að greina meginatriði textans sem skal myndskreyta.
• að geta sagt margt með einni mynd.
• vekja áhuga á textanum með mynd.
• að greina þjóðfélagsmál á myndrænan máta.
• að gera einfalda og samfélagsmiðaða skopteikngu.
• að setja upp einfalda teiknimyndasögu með eða án texta.
• að koma flæði myndasögunnar vel skila.
• að gera hvern ramma einstakan en þó hluta af heildinni.

Nemandi skal geta hagnýtt þá þekkingu og leikni sem hann hefur aflað sér til að:

• myndskreyta á lýsandi máta einfaldan texta með eigin stíl.
• gera skopteikningu út frá málefnum líðandi stundar.
• setja upp einfalda teiknimyndasögu í eigin stíl með góðu flæði og góðri myndbyggingu.