LEIK2BB05

Í áfanganum þjálfast nemendur í undirstöðuatriðum leiklistar svo sem persónusköpun, spuna og látbragðsleik.  . Áhersla er lögð á að nemendur öðlist skilning á hinu fjölþætta eðli leiklistarinnar og hvernig hún tengist öðrum listgreinum. Kynnt eru hugtök og orðaforði sem tengist greininni. Nemendur eru þjálfaðir í  ýmsum spunaaðferðum sem nýtast í leiklist. Unnið verður með sagnaaðferðir, einnig tekist á við textavinnu og verkfærakista leikarans stækkuð. Unnið er með uppbyggingu karakters og grunnur að leiklistarsögu kynntur. Leikgleði og líkamleg meðvitund efst á baugi. Hópvinna, paravinna og einstaklingsvinna.

Þekking í lok fyrsta þreps:

Nemandi skal hafa aflað sér þekkingar og skilnings á:

• grunnvinnu með persónusköpun.
• Grunnhugtökum í leiklist.
• þekki vinnubrögð úrvinnslu leiktexta

Nemandi skal hafa öðlast leikni í:

 • reyna á sig við úrlausnir verkefna í hópavinnu.

 • lestri margs konar gerða af leiktexta

• að taka virkan þátt í spuna

• að tjá sig skýrt og geta gert grein fyrir aðferðum og útkomu verkefna.

• að skrifa dagbók fyrir bekkinn sinn.

Nemandi skal geta hagnýtt þá þekkingu og leikni sem hann hefur aflað sér til að:

• Fá tilfinningu fyrir líkama sínum og rödd sem verkfæri í leiklist.
• Öðlast skilning á rými og líkamsvitund.
• Vinna verkefni í hópavinnu.
• Ræða og vinna með grunnhugtök í leiklist.
• Vinna spunaverkefni og þróa áfram
• ræða um persónusköpun
• vinna með leiktexta
• öðlast  öryggi  og  sjálfstraust  á leiksviði.