HEIM2BY05

Titill

Gagnrýnin hugsun

Námsgrein Heimspeki
Viðfangsefni Byrjunaráfangi í heimspeki
Skammstöfun HEIM2BY05
Staða  
Þrep 2
Einingafjöldi 5
Tillaga að bókstöfum/tölustöfum skóla  
Lýsing Hvernig vitum við að veruleikinn er eins og hann birtist okkur? Hvað er þekking? Hvað er sannleikur? Hvað er vitund? Er guð til? Hvað er rétt og rangt? Í áfanganum verða teknir fyrir valdir þættir í vestrænni heimspekisögu frá Grikklandi til forna fram að lokum 20. aldar. Lögð er áhersla á að nemendur öðlist undirstöðuþekkingu í þróun heimspeki í gegnum mannskynssöguna ásamt grundvallarskilningi á helstu heimspekikenningum sem hafa mótað viðhorf mannsins til siðferðis, frelsis, guðs og eðli heimsins í kringum hann. Röfræði, frumspeki, siðfræði, fornaldarheimspeki og trúarheimspeki eru þær undirgreinar heimspekinnar sem verða kynntar í þessum áfanga. Einnig verður notast við kvikmyndir með heimspekilegt inntak sem námsefni. Áhersla er lögð á sjálfstæða hugsun og sjálfstæð vinnubrögð, nemendur eru hvattir til að horfa með gagnrýnum augum á námsefnið jafnt sem eigin skoðanir og viðhorf. Mikil áhersla verður lögð á umræður í tímum og því er góð mæting og virkni mjög mikilvæg. Verkefnavinna miðar að því að nemendur öðlist hæfni til að nýta eigin þekkingu og reynslu við úrlausn nýrra viðfangsefna.
Forkröfur Engar
Þekkingarviðmið
  • Nemandi skal hafa öðlast þekkingu og skilning á:
  • völdum heimspekingum og heimspekikenningum frá Forn Grikklandi til okkar tíma
  • mikilvægi gagnrýnnar hugsunar
  • undirstöðuatriðum heimspekilegrar hugsunar
  • lestri heimspekitexta
  • heimspekilegum samræðum.
Leikniviðmið

Nemandi skal hafa öðlast leikni í að:

  • lesa heimspekitexta
  • koma auga á og greina heimspekilegt inntak kvikmynda
  • beita gagnrýnni hugsun
  • meta eigin rök og annarra
  • tjá sig heimspekilega og hlusta á aðra
  • tengja heimspeki við eigin reynslu og veruleika.
Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • geta miðlað torskildum fróðleik á skýran hátt
  • geta beitt gagnrýnni hugsun á markvissan hátt á öllum sviðum lífsins
  • geta borið saman ólíkar skoðanir og rök til að komast að sameiginlegri niðurstöðu
  • geta tileinkað sér nýja þekkingu á markvissari hátt
  • skilja betur heiminn og samfélagi sem hann býr í
  • beita heimspekilegum hugmyndum til þess að leysa úr siðferðislegum vandamálum.
Námsmat Símat. Fjölbreytt verkefni, kaflapróf, ritgerð og virkni í tímum er metið jafnt og þétt yfir önnina.
Útgáfunúmer  
Skólar  
Fyrirmynd