FRAN1AA05

Titill

Grunnáfangi  A 

Þar sem þetta er byrjunaráfangi, er megináhersla lögð á að nemendur tileinki sér undirstöðuatriði tungumálsins í gegnum tal, hlustun, lesskilning og ritun. Áhersla er lögð á réttan framburð, uppbyggingu orðaforða og að þjálfa grunnatriði málfræðinnar. Fléttað er inn í kennsluna menningu frönskumælandi landa. Til að þjálfa ofantalin atriði geta meðal annars eftirfarandi efnisþættir legið til grundvallar í kennslu:
 Kynning á sjálfum sér og öðrum, að kveðja og heilsa, helstu samskiptavenjur, líkaminn, daglegar athafnir, skoðanir (að líka/mislíka) aldur, búseta, starf , þjóðerni, lönd og tungumál, tölur, dagar, mánuðir og árstíðir.

Áhersla er lögð á að nemendur tjái sig sem mest á frönsku í töluðu og rituðu máli. Einnig er lögð áhersla á að nemendur beri ábyrgð á sínu eigin námi og sýni sjálfstæð vinnubrögð, frumkvæði og skapandi hugsun.

Nemandi skal hafa aflað sér þekkingar og skilnings á:

• þeim orðaforða sem nauðsynlegur er til að mæta hæfniviðmiðum þrepsins
• mannlífi, menningu og siðum í löndum þar sem tungumálið er talað sem móðurmál/fyrsta mál og þekkja samskiptavenjur
• grundvallarþáttum málkerfisins
• formgerð og byggingu texta og mismuninum á töluðu og rituðu máli

• skilja talað mál um kunnugleg efni þegar talað er skýrt og áheyrilega
• lesa ýmiss konar texta á eigin áhugasviði eða texta um kunnugleg efni og beita viðeigandi aðferðum eftir því hver tilgangur með lestrinum er hverju sinni
• taka þátt í einföldum samræðum um efni sem hann þekkir eða hefur áhuga á og beita kurteisisvenjum, málvenjum og hljómfalli við hæfi
• beita orðaforða á skýran hátt með því að beita málvenjum, framburði, áherslum og hljómfalli
• skrifa samfelldan texta um efni sem hann þekkir eða hefur áhuga á og nota viðeigandi málfar
• fara eftir grundvallarreglum sem gilda um ritað mál
• nota upplýsingatækni og hjálpargögn í tungumálanámi

• greina einfaldar upplýsingar þegar talað er hægt og skýrt
• velja rétt samskiptaform miðað við aðstæður hverju sinni
• vinna úr textum á mismunandi hátt eftir því hver tilgangurinn er með lestri hverju sinni
• átta sig á innihaldi stuttra blaðagreina og texta
• skipuleggja nám sitt og námsaðferðir
• meta vinnulag og framfarir í áfanganum
• vera meðvitaður um hvaða leiðir nýtast best til að tileinka sér franska tungu