ENSK2YL05

Áfanginn er ætlaður þeim nemendum sem hafa áhuga á lestri. Megináhersla er lögð á upplifun og skilning og að nemendur lesi sér til ánægju. Nemendur fá bókalista og velja sér fimm verk eftir enskumælandi höfunda. Þeir gera svo grein fyrir skáldsögunum munnlega í sérstökum viðtalstímum. Ekki er gert ráð fyrir föstum kennslustundum.

Nemandi skal hafa aflað sér þekkingar og skilnings á:

• grundvallaruppbyggingu þjóðfélaga þar sem enska er notuð sem móðurmál
• ólíkum viðhorfum og gildum í þeim löndum þar sem enska er notuð og geti tengt þau eigin samfélagi og menningu
• orðaforða sem nauðsynlegur er til að mæta hæfniviðmiðum þrepsins, þ.m.t. orðasamböndum og þverfaglegum orðaforða
• notkun tungumálsins til að mæta hæfniviðmiðum þrepsins munnlega

Nemandi skal hafa öðlast leikni í að:

• lesa bókmenntaverk fyrir unglinga eða á sambærilegu stigi
• tjá sig skýrt og hnökralaust um innihald skáldsagnanna

• tileinka sér efni ritaðs texta og hagnýta á mismunandi hátt
• lesa texta þar sem ákveðin viðhorf eða skoðarnir eru tjáð, átta sig á tilgangi og afstöðu textahöfundar og tjá skoðanir sínar  munnlega
• lesa á milli línanna, átta sig á dýpri merkingu texta
• taka þátt í skoðanaskiptum, færa rök fyrir máli sínu og svara mótbárum og gagnrökum á viðeigandi hátt
• eiga frumkvæði í samræðum og bregðast við óvæntum spurningum og athugasemdum
• tjá sig á skýran og áheyrilegan hátt og beita tungumálinu af tiltölulega mikilli nákvæmni