EÐLI3NE05

Í áfanganum er gerð grein fyrir helstu atriðum almennu afstæðiskenningarinnar, skammtafræðin er kynnt, einnig efnisbylgjur og atóm- og kjarneðlisfræði. Miðað er við að nemandinn vinni ritgerð eða önnur viðameiri verkefni í tengslum við áfangann sem krefst, a.m.k. að hluta til, þýðinga úr erlendum fræðiritum um þrengri svið eðlisfræðinnar. Nemendur vinna sjálfstætt og í hópum og þjálfast í að koma hugmyndum sínum og niðurstöðum frá sér á nákvæman og greinargóðan hátt. Í áfangamarkmiðum eru tilgreind verkefni sem æskilegt er að nemendur vinni í tengslum við efni áfangans.

• Orðaforða á ensku tengdum efni áfangans.
• Sérhæfðum lögmálum, viðfangasefnum og orðfæri til að taka þátt í almennri umræðu um málefni nútímaeðlisfræði.
• Forsendum og niðurstöðum takmörkuðu afstæðiskenningarinnar.
• Þróun skammtafræði og atómlíkana.
• Uppbyggingu atóma og rafeindaskipan.
• Útgeilsun atóma, ljósröfun, Comtonhrifum og leysiverkun.
• Tvíeðli efnis (agnir og bylgjur).
• Uppbyggingu kjarna og geislavirkni.
• Öreindum og helstu kenningum um þær.

Nemandi skal hafa öðlast leikni í:

• Að nota markverða tölustafi og viðeigandi einingar ásamt því að hagnýta og yfirfæra leikni milli flóknari stærðfræði og eðlisfræði til úrlausnar verkefna.
• Að setja fram og túlka myndir, gröf og töflur.
• Að tjá skoðanir sínar og verkefni á skýran hátt og rökstyðja í fræðilegu samhengi.
• Að leita sér heimilda um afmarkað efni/verkefni og nýta þær á viðeigandi hátt.
• Að skipuleggja og framkvæma verklegar æfingar og útskýra niðurstöður út frá verklýsingu/tilraunaseðli.
• Að vinna úr jöfnum takmörkuðu afstæðiskenningarinnar.
• Að reikna stöðvunarspennu og lausnarorku ljósröfunar.
• Að reikna bylgjulengd ljóss frá vetnisatómi.
• Að reikna bindiorku kjarna.
• Að reikna aldur út frá hrörnun geislavirkra kjarna.

Nemandi skal geta hagnýtt þá þekkingu og leikni sem hann hefur aflað sér til að:

• Sýna sjálfstæði og frumkvæði í vinnubrögðum.
• Bera ábyrgð á eigin námsframvindu.
• Vinna í hóp til þess að leysa raunveruleg vandamál með eðlisfræði.

Námsmat er byggt á fjölbreyttu mati: Verkefnavinna, krossapróf, skýrslur úr verklegum tilraunum, lotupróf og lokaverkefni.