Stúdentsbraut - viðskipta- og hagfræðilína

Brautin tekur gildi frá og með haustönn 2018. Eldri braut má nálgast hér

Viðskipta- og hagfræðilínu á stúdentsbraut er ætlað að veita nemendum góða undirstöðuþekkingu í bóklegum greinum með áherslu á viðskipta- og hagfræði. Í náminu er lögð áhersla á að efla fjármála- og viðskiptalæsi og veita grunnþekkingu á rekstri fyrirtækja. Nám á brautinni er góður undirbúningur fyrir framhaldsnám í viðskiptagreinum, hagfræði, félagsfræði og skyldum námsleiðum á háskólastigi. 

Meðalnámstími 6-7 annir. Brautin er 200 einingar sem skiptast í kjarna, sem er 172-182 einingar, og frjálst val, 28-18 einingar sem nemandinn velur sjálfur. Hafa þarf í huga að einingar á þriðja þrepi þurfa að vera að lágmarki 34 og samanlagður einingafjöldi á öðru og þriðja þrepi þarf að vera að lágmarki 134.

Röðun í byrjunaráfanga í dönsku, ensku, íslensku og stærðfræði tekur mið af hæfnieinkunn úr grunnskóla og til að hefja nám á öðru hæfniþrepi þarf einkunn B eða hærra. Nánari leiðbeiningar um inntökuskilyrði og röðun í kjarnaáfanga.

*Missi nemendur af félagsfræði og umhverfisfræði á fyrsta þrepi taka þeir aðra áfanga í félags- og náttúrufræðigreinum í staðinn.

Mikilvægt er að nemendur dýpki sig í ákveðnum greinum til að vera betur í stakk búnir til að takast á við frekara nám og mæta aðgangsviðmiðun þeirrar námsleiðar sem þeir stefna á í háskóla eða frekara námi (sjá aðgangsviðmið háskólanáms).
Við skipulagningu náms er nauðsynlegt að nemendur hafi samráð við náms- og starfsráðgjafa.

Eldri braut

Viðskipta- og hagfræðilína

Lýsing: Á Viðskipta- og hagfræðilínu er lögð áhersla á viðskipta- og hagfræðigreinar. Námið veitir góðan undirbúning fyrir frekara nám í viðskiptum og hagfræði. Auk þess veitir námið góðan undirbúning fyrir almenn bókhalds- og skrifstofustörf.

Kjarni: 101 ein. (sjá kjarna: Stúdentsbraut-opin lína)

Enska: 10 ein.

Stærðfræði: 10 ein. á 3. þrepi.

Heimspeki: 5 ein.

Nemendur velja að auki 30 ein. úr eftirfarandi viðskipta- og hagfræðigreinum:

Bókfærslu

Viðskiptagreinum

Hagfræði

Lögfræði

Nemendur geta valið að vinna lokaverkefni (5 ein. á 3. þrepi) á síðustu önn.

Frjálst val: 44 ein.

Mikilvægt að nemendur hafi eftirfarandi í huga við val:

Til að ljúka stúdentsprófi þarf að ljúka að lágmarki 67 ein á 2. þrepi og 34 ein á 3. Þrepi. Lágmarksfjöldi ein til að ljúka stúdentsprófi er 200 ein, af þeim þurfa minnst 134 ein að koma af 2.-3.þrepi.