Þórunn Anna er dúx FSu á haustönn 2020
Þórunn Anna Guðbjartsdóttir er dúx FSu á haustönn 2020. 53 nemendur brautskráðust frá Fjölbrautaskóla Suðurlands laugardaginn 19. desember.
Þórunn Anna hlaut einnig viðurkenningu frá Hollvarðasamtökum FSu. Hún lét ekki staðar numið þar heldur fékk einnig viðurkenningar fyrir framúrskarandi árangur í stærðfræði, íslensku og spænsku.
Íris Beata Dudziak hlaut viðurkenningar fyrir góðan árangur í félagsvísindum og þýsku. Martin Bjarni Guðmundsson hlaut viðurkenningu fyrir góðan árangur í þýsku. Katrín Birna Sigurðardóttir hlaut viðurkenningu fyrir framúrskarandi árangur í dönsku. Sara Lind A. van Kasteren hlaut viðurkenningu fyrir góðan árangur í ensku. Gyða Sveinbjörg Kristinsdóttir og Thelma Dögg Tómasdóttir hlutu viðurkenningar fyrir góðan árangur í hestaíþróttum.
Brautskráning var afar óvenjuleg að þessu sinni þar sem eingöngu brottfarendur og stjórnendur skólans voru viðstaddir athöfnina. En vegna samkomutakmarkana var athöfninni skipt í tvennt og streymt frá henni á netinu.