STÆR3TL05

Titill  
Námsgrein Stærðfræði
Viðfangsefni Tölfræði og líkindareikningur
Skammstöfun STÆR3TL05
Staða  
Þrep 3
Einingafjöldi 5
Tillaga að bókstöfum/tölustöfum skóla  
Lýsing

Byrjað er á því í upphafi annar að rifja upp efni áfangans

STÆR 2TL05 um normaldreifingu og tengsl normalkúrfunnar við líkindi.  Í framhaldi af því er meginmarkgildissetning tölfræðinnar tekin fyrir og henni beitt á nomaldreifðar stærðir úrtaka til að fá hugmynd um eiginleika þýðis. Til þess er meðal annars tekist á við líkindi-öryggisbil-prófanir (einhliða/tvíhliða).

Einnig er rifjað upp efni um (Pearson-)fylgni milli tveggja breyta  
(x-y).  Fylgnistuðull þessi er mælikvarði á aðhvarf punktasafns að beinni línu.  Í efni undanfarans var ekki tekið fyrir hver sú lína var, í þessum áfanga verða teknar fyrir formúlur til að finna kennistærðir jöfnu línunnar.

Svokölluð t-dreifing er tekin fyrir á sama hátt og normaldreifingin.  Líkindi-öryggisbil-prófanir (einhliða/tvíhliða) notuð til að fá hugmyndir um eiginleika þýðis.

Kí-kvaðrat-dreifing verður síðan lokaefnið sem tekið verður fyrir en hún er notuð til að meta hversu eðlilegar útkomur á tíðnidreifingu eru miðað við ákveðnar/gefnar forsendur.

Þegar búið verður að fara í ofangreint efni verður tekist á við verkefni (skoðanakannanir) sem reyna á kunnáttu og þekkingu nemenda úr námsefni áfangans.

Forkröfur STÆR2TL05
Þekkingarviðmið Nemandi skal hafa aflað sér almennar þekkingar og skilnings á:
  • normaldreifingu og öðrum líkindadreifingum
  • grunnatriðum úrtaksfræði
  • hugtökunum öryggisbil, öryggismörk og skekkjumörk
  • fylgnireikningi og fylgnistuðlum
  • hugtökum línulegrar aðhvarfsgreiningar
  • forritum til gagnavinnslu
  • tilgátuprófunum
Leikniviðmið Nemandi geti af öryggi:
  • nýtt einfalda líkindadreifingu sem líkan við útreikning líkinda
  • notað úrtaksdreifingu við framsetningu tölfræðilegra ályktana
  • beitt á réttan hátt hugtökunum öryggisbil, öryggismörk, skekkjumörk, öryggistig o.s.frv.
  • reiknað fylgni milli tveggja breyta og túlkað fylgnistuðla
  • nýtt sér tölfræðileg forrit við gagnavinnslu, prófanir og ályktanir
  • fundið bestu línu gegnum gagnapunkta í sléttum fleti
  • sett fram tilgátu og gert á henni viðeigandi tölfræðilegt próf
Hæfniviðmið Nemandi skal geta hagnýtt sér þá sérhæfðu þekkingu og leikni sem hann hefur aflað sér og:
  • skilið merkingu og tengsl hugtaka í námsefninu og unnið með þau
  • sett sig inn í og túlkað útskýringar og röksemdir annarra af virðingu og umburðarlyndi án fordóma
  • greint og hagnýtt upplýsingar á þriðja stærðfræðiþrepi, í töluðu eða rituðu máli, myndrænt eða í töflum
  • vitað hvers konar spurningar leiða til stærðfræðilegra viðfangsefna, hvaða svara megi vænta og geta spurt slíkra spurninga
  • hagnýtt sér stærðfræðilega þekkingu til ákvarðanatöku í sértækum verkefnum
Námsmat

Námsmat byggist á:

vinnusemi nemenda,  skilaverkefnum sem unnin eru í forritum til gagnavinnslu, mati á hópverkefnum (hópverkefni A og hópverkefni B sem er stórt lokaverkefni) og lokaprófi.

Útgáfunúmer  
Skólar  
Fyrirmynd