ÍÞRÓ2ÞR02

Áfanginn er að mestu leyti verklegur og kennt er í þreksal Iðu.

Meginviðfangsefni áfangans er þrekþjálfun í tækjasal. Markmið áfangans er að nemendur fái tíma í stundatöflu og tækifæri til að vinna út frá sinni eigin æfingaáætlun og þeim markmiðum sem nemendur hafa sett sér varðandi styrktarþjálfun. Hver og einn nemandi æfir eftir sinni áætlun undir handleiðslu kennara. Að áfanga loknum eiga nemendur að hafa öðlast þekkingu til að útbúa eigin þjálfunaráætlun til að bæta líkamsbyggingu og viðhalda krafti, þoli og liðleika.

• Hvernig styrktarþjálfunaráætlun er uppbyggð.
• Mismunandi áherslum í styrktarþjálfun, hvort unnið er með hámarksstyrk eða vöðvaþol.
• Mismumandi æfingum fyrir mismunandi vöðvahópa.
• Að búa til nákvæmar og rétt uppbyggðar tímaáætlanir.
• Hinum ýmsu hugtökum sem koma fyrir við skipulagningu þjálfunar eins og upphitun, aðalhluti, niðurlag og markmið.

• Að skipuleggja eigin þjálfun og búa til nákvæmar tímaáætlanir.
• Að fara eftir eigin tímaáætlun.
• Að nota fjölbreyttar æfingar fyrir mismunandi vöðvahópa.
• Þjálfun, hreyfingu og virkni, sem hafa áhrif á jákvæða upplifun og viðhorf til líkams- og heilsuræktar.

• Skipuleggja og framkvæma eigin þjálfun
• Geta tileinkað sér þá möguleika til hreyfingar sem eru í boði í nánasta umhverfi
• Taka þátt í leikjum og æfingum sem hafa áhrif á jákvæða upplifun og viðhorf til íþrótta, líkams- og heilsuræktar
• Geta meðvitað tileinkað sér hreyfingu sem heilsuávinning til framtíðar